ചെന്നൈ: അണ്ണാ ഡിഎംകെയുടെ ഇടക്കാല ജനറല് സെക്രട്ടറിയായി ശശികലാ നടരാജനെ ചെന്നൈയില് നടന്ന പാര്ട്ടി ജനറല് കൗണ്സില് യോഗം തിരഞ്ഞെടുത്തു. ശശികലയുടെ നേതൃത്വത്തില് പാര്ട്ടി ഒറ്റക്കെട്ടായി പ്രവര്ത്തിക്കുമെന്ന് മുഖ്യമന്ത്രി ഒ. പനീര്സെല്വം പിന്നീട് മാധ്യമങ്ങളോട് പറഞ്ഞു.
ഒന്പതരയ്ക്ക് ജയലളിതയ്ക്ക് ആദരാഞ്ജലികള് അര്പ്പിച്ചാണ് യോഗം ആരംഭിച്ചത്. യോഗം ചേര്ന്ന ഉടന് തന്നെ പുതിയ ജനറല് സെക്രട്ടറിയുടെ കാര്യത്തില് തീരുമാനമാവുകയായിരുന്നു.
ജയലളിതയ്ക്ക് ഭാരതരത്ന നല്കണമെന്നതുള്പ്പടെയുള്ള 14 പ്രമേയങ്ങള് ജനറല് കൗണ്സില് യോഗത്തില് പാസാക്കി.
Discussion about this post