തിരുവനന്തപുരം: ജില്ലയില്‍ നാളെ ഹര്‍ത്താലിന് ബിജെപി ആഹ്വാനം ചെയ്തു. രാവിലെ ആറു മുതല്‍ വൈകിട്ട് ആറു വരെയാണ് ഹര്‍ത്താല്‍. ലോ അക്കാദമി സമരവുമായി ബന്ധപ്പെട്ട് പേരൂര്‍ക്കടയില്‍ ബിജെപി പ്രവര്‍ത്തകര്‍ നടത്തിയ ഉപരോധത്തിനു നേരെയുണ്ടായ പോലീസ് നടപടിയില്‍ പ്രതിഷേധിച്ചാണ് ഹര്‍ത്താല്‍. പ്രതിഷേധം നടത്തിയവർക്കെതിരേ പൊലീസ് ആറു തവണ ജലപീരങ്കി പ്രയോഗിക്കുകയും, പ്രവർത്തകരെ തല്ലിച്ചതയ്ക്കുകയുമായിരുന്നു. ബി.ജെ.പി നേതാവ് കെ.സുരേന്ദ്രനടക്കമുളളവർക്ക് പൊലീസ് ആക്രമണത്തിൽ ഗുരുതരമായി പരിക്കേറ്റിരുന്നു. പരിക്കേറ്റവരെ ആശുപത്രികളിൽ പ്രവേശിപ്പിച്ചിരിക്കുകയാണ്. പൊലീസ് ആക്രമണത്തിൽ പരിക്കേറ്റ യുവമോർച്ച പ്രവർത്തകൻ പൂങ്കുളം സതീശിന്റെ നില ഗുരുതരമാണ്.
Discussion about this post