ചെന്നൈ: ശശികലയുടെ വിശ്വസ്തനായ എടപ്പാടി കെ. പളനിസാമി തമിഴ്‌നാടിന്‍റെ പുതിയ മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു. രാജ്ഭവനില്‍ നടന്ന ചടങ്ങില്‍ ഗവര്‍ണര്‍ സി. വിദ്യാസാഗര്‍ റാവു സത്യവാചകം ചൊല്ലിക്കൊടുത്തു. മുഖ്യമന്ത്രിയോടൊപ്പം 31 മന്ത്രിമാരും സത്യപ്രതിജ്ഞ ചെയ്ത് അധികാരമേറ്റു.
15 ദിവസത്തിനകം പളനിസാമി സഭയില്‍ ഭൂരിപക്ഷം തെളിയിക്കണമെന്ന് ഗവര്‍ണര്‍ ആവശ്യപ്പെട്ടിട്ടുണ്ട്. 117 വോട്ടുകളാണ് സഭയില്‍ ഭൂരിപക്ഷം തെളിയിക്കാന്‍ വേണ്ടത്. 124 എംഎല്‍എമാര്‍ തന്നെ പിന്തുണയ്ക്കുമെന്നാണ് എടപ്പാടി പളനിസാമി അവകാശപ്പെടുന്നത്.
Discussion about this post