തിരുവനന്തപുരം: ശ്രീരാമദാസ മിഷന് യൂണിവേഴ്സല് സൊസൈറ്റിയുടെ ആഭിമുഖ്യത്തില് ചേങ്കോട്ടുകോണം ശ്രീരാമദാസ ആശ്രമത്തില് ശ്രീരാമനവമിയോടനുബന്ധിച്ചു നടക്കുന്ന ശ്രീരാമനവമി ഹിന്ദുമഹാസമ്മേളനത്തിനു മുന്നോടിയായി മാര്ച്ച് 17ന് കൊല്ലൂര് ശ്രീമൂകാംബികാ ദേവീക്ഷേത്രസന്നിധിയില് നിന്നും ശ്രീരാമദാസ മിഷന് അദ്ധ്യക്ഷന് ബ്രഹ്മശ്രീ സ്വാമി ബ്രഹ്മപാദാനന്ദ സരസ്വതി ഭദ്രദീപപ്രതിഷ്ഠ നടത്തി പര്യടനം ആരംഭിച്ച ശ്രീരാമനവമി രഥയാത്ര ഏപ്രില് 1-ാം തീയതി രാവിലെ 10ന് തിരുവനന്തപുരം ജില്ലയില് പ്രവേശിക്കും. ശ്രീരാമദാസ മിഷന് ഭാരവാഹികളും വിവിധ ഹൈന്ദവസംഘടനാ നേതാക്കളും ചേര്ന്ന് ശ്രീരാമരഥത്തിന് സ്വീകരണം നല്കും. തുടര്ന്ന് വിവിധകേന്ദ്രങ്ങളില് സ്വീകരണങ്ങള്ക്കുശേഷം ഏപ്രില് 1ന് വൈകുന്നേരം കന്യാകുമാരിയിലേക്കു പോകും. 2ന് രാവിലെ കന്യാകുമാരി ദേവീദര്ശനവും കഴിഞ്ഞ് കളിയിക്കാവിള വഴി രാവിലെ 10ന് തിരുവനന്തപുരം ജില്ലയില് പ്രവേശിക്കുന്ന രഥയാത്ര നഗരത്തിലെ ശ്രീരാമായണ കാണ്ഡങ്ങളില് പര്യടനം നടത്തും. ഏപ്രില് 3ന് ശ്രീനീലകണ്ഠപുരത്തെ ശ്രീരാമായണ കാണ്ഡങ്ങളിലെ പരിക്രമണത്തിനു ശേഷം വൈകുന്നേരം ചേങ്കോട്ടുകോണം ശ്രീരാമദാസ ആശ്രമത്തില് എത്തിച്ചേരും.
ശ്രീരാമരഥയാത്ര: ഏപ്രില് 1 മുതല് 3 വരെ തിരുവനന്തപുരത്ത്
പുതിയ വാർത്തകൾ
Discussion about this post