ചെന്നൈ: തമിഴ്നാട് മുന് മുഖ്യമന്ത്രി ജെ. ജയലളിത ആശുപത്രിയില് കഴിയുന്ന വീഡിയോ ദൃശ്യങ്ങള് സംപ്രേഷണം ചെയ്യുന്നത് തെരഞ്ഞെടുപ്പ് കമ്മീഷന് തടഞ്ഞു. ആര്.കെ. നഗര് ഉപതെരഞ്ഞെടുപ്പ് നടക്കാനിരിക്കവെ വീഡിയോ സംപ്രേഷണം ചെയ്യുന്നത് തെരഞ്ഞെടുപ്പ് ചട്ടലംഘനമാണെന്ന് കേന്ദ്ര തെരഞ്ഞെടുപ്പ് കമ്മീഷന് അറിയിച്ചു.
ജയലളിതയുടെ മരണത്തില് അനിശ്ചിതത്വം നിലനില്ക്കുന്ന സാഹചര്യത്തില് ബുധനാഴ്ചയാണ് ജയലളിതയുടെ ആശുപത്രി ദൃശ്യങ്ങള് പുറത്തുവിട്ട് ടി.ടി.വി. ദിനകരന് പക്ഷം രംഗത്തെത്തിയത്. ആര്.കെ. നഗര് ഉപതെരഞ്ഞെടുപ്പ് ലക്ഷ്യം വച്ചാണ് ദൃശ്യങ്ങള് പുറത്തുവിട്ടതെന്നും സൂചനകളുണ്ട്.
ജയലളിത ചെന്നൈയിലെ അപ്പോളോ ആശുപത്രിയില് ചികിത്സയില് കഴിഞ്ഞപ്പോള് പകര്ത്തിയ ദൃശ്യങ്ങളാണ് പുറത്തുവിട്ടത്. ജയലളിതയുടെ മരണത്തിനു പിന്നില് ശശികലയും ദിനകരനുമാണെന്ന് ആരോപണങ്ങള് ഉയര്ന്നിരുന്നു. ഇതിനു പിന്നാലെയാണ് ജയലളിത ആശുപത്രിയില് സുരക്ഷിതയായിരുന്നുവെന്നു സൂചിപ്പിക്കുന്ന ദൃശ്യങ്ങള് പുറത്തുവിട്ടത്.
Discussion about this post