ഗുരുവായൂര്‍: അന്നലക്ഷ്മി ഹാളിലെ പ്രസാദ ഊട്ടില്‍ വരുത്തിയ മാറ്റങ്ങള്‍ ദേവസ്വം ഭരണസമിതി പിന്‍വലിച്ചു. പുതിയ പരിഷ്‌കാരങ്ങള്‍ ആചാരവിരുദ്ധമായതിനാല്‍ പിന്‍വലിക്കണമെന്നാവശ്യപ്പെട്ട് തന്ത്രി ചേന്നാസ് നാരായണന്‍ നമ്പൂതിരിപ്പാട് അഡ്മിനിസ്‌ട്രേറ്റര്‍ക്ക് കത്ത് നല്‍കിയിരുന്നു.
കഴിഞ്ഞ 17നാണ് ക്ഷേത്രത്തിനു പുറത്തെ അന്നലക്ഷ്മി ഹാളില്‍ പ്രസാദ ഊട്ടിന് അഹിന്ദുക്കള്‍ക്കു പ്രവേശിക്കാമെന്നും, ഷര്‍ട്ട്, പാന്റ്, ചെരുപ്പ് എന്നിവ ധരിച്ചു പ്രസാദ ഊട്ടില്‍ പങ്കെടുക്കാമെന്നും ഭരണ സമിതി തീരുമാനമെടുത്തത്. ദേവപ്രശ്‌നത്തില്‍ ഈ വിഷയം ഉള്‍പ്പെടുത്തി ദേവഹിതം ആരായാനും തീരുമാനിച്ചു. ക്ഷേത്രാചാരങ്ങളെല്ലാം പാലിച്ചാണു പ്രസാദഊട്ടു നടത്തുന്നത്.
Discussion about this post