ന്യൂഡല്‍ഹി: ഐഎസ്ആര്‍ഒ ചാരക്കേസില്‍ നമ്പിനാരായണനെ കുടുക്കിയത് സംബന്ധിച്ച് കൂടുതല്‍ അന്വേഷണം നടത്താന്‍ തയാറാണെന്ന് സിബിഐ സുപ്രീംകോടതിയെ അറിയിച്ചു. അന്വേഷണ ഉദ്യോഗസ്ഥര്‍ക്കെതിരെ നടപടി വേണമെന്നാവശ്യപ്പെട്ട് നമ്പി നാരായണന് നല്‍കിയ ഹര്‍ജി പരിഗണിച്ച ചീഫ് ജസ്റ്റിസ് ദീപക് മിശ്രയുടെ ബെഞ്ചിന് മുമ്പാകെയാണ് സിബിഐ നിലപാട് വ്യക്തമാക്കിയത്.
വിഷയത്തില്‍ സിബിഐ നിലപാട് കോടതി ആരാഞ്ഞപ്പോഴാണ്, നമ്പി നാരായണനെ കുടുക്കിയതാണെന്നും കസ്റ്റഡി മര്‍ദ്ദനം നടന്നിട്ടുണ്ടെന്നും സിബിഐ വ്യക്തമാക്കിയത്. കേസ് കെട്ടിച്ചമച്ചവരെ കണ്ടെത്തണമെന്നും വിശദമായ അന്വേഷണം ആവശ്യമാണെന്നും സിബിഐ വ്യക്തമാക്കി. നമ്പി നാരായണനെ കേസില്‍ കുടുക്കിയ ഉദ്യോഗസ്ഥര്‍ തന്നെ നമ്പി നാരായണന് നഷ്ടപരിഹാരം നല്‍കട്ടെയെന്നും കോടതി പറഞ്ഞു.
Discussion about this post