കൊച്ചി: വന് പ്രകൃതി വാതക നിക്ഷേപം കൊച്ചിയുള്പ്പെടെയുള്ള തീരത്ത് കണ്ടെത്തിയതിനെ തുടര്ന്ന് എണ്ണ-പ്രകൃതി വാതക കോര്പ്പറേഷന് യു.എസ്. ജിയോളജിക്കല് സര്വേ, ജാപ്പനീസ് ഡ്രില്ലിങ് കമ്പനി എന്നിവയുമായി ചേര്ന്ന് സാങ്കേതികവിദ്യ വികസിപ്പിക്കാനുള്ള ശ്രമത്തിലാണ് ഇന്ത്യ.
രാജ്യത്തെ 300 വര്ഷത്തെ ഊര്ജ്ജാവശ്യങ്ങള് നിറവേറ്റാന്തക്ക വിധത്തിലുള്ള പ്രകൃതിവാതക നിക്ഷേപമാണ് കൊച്ചിയിലും,കൃഷ്ണ-ഗോദാവരി തടങ്ങള്, കാവേരി തടം എന്നിവിടങ്ങളിലുമായി കണ്ടെത്തിയത്. ഇവിടങ്ങളില് 130 ലക്ഷം കോടി ക്യൂബിക്ക് അടി ഹൈഡ്രേറ്റ് പ്രകൃതിവാതക ശേഖരമുണ്ടെന്ന് അമേരിക്കന് ജിയോളജിക്കല് സര്വേയാണ് കണ്ടെത്തിയത്.
ഇവ വേണ്ട വിധത്തില് പ്രയോജനപ്പെടുത്തിയാല് ലോകത്തിലെ വന് സാമ്പത്തിക ശക്തിയാകും ഇന്ത്യ.ഇതിനായി സാങ്കേതിക വിദ്യ വികസിപ്പിക്കുന്നതിന്റെ ചിലവുകള് ഓയില് ഇന്ഡസ്ട്രി ഡെവലപ്മെന്റ് ബോര്ഡ് (ഒ.ഐ.ഡി.ബി.), ഒ.എന്.ജി.സി, ഗെയില്, ഓയില് ഇന്ത്യ, ഇന്ത്യന് ഓയില് കോര്പ്പറേഷന് എന്നിവ ചേര്ന്ന് ചെലവ് വഹിക്കും. ഒ.ഐ.ഡി.ബി. 200 കോടി രുപ അനുവദിച്ചിട്ടുണ്ട്.
പ്രകൃതിവാതക ഹൈഡ്രേറ്റിന്റെ ഗവേഷണങ്ങള്ക്കായി മുംബൈയിലെ പനവേലില് പ്രത്യേക കേന്ദ്രം തുടങ്ങുമെന്ന് ഒ.എന്.ജി.സി. തീരുമാനിച്ചിരുന്നു.പുതിയ സാഹചര്യത്തില് ഇതിന് വേഗം കൂടും.
മുന്പ് 2009 ലും 2013 ലും കൊച്ചിയില് ആഴക്കടലില് എണ്ണയുടെയും പ്രകൃതിവാതകത്തിന്റെയും പര്യവേക്ഷണം നടത്തിയിട്ടുണ്ട്.എന്നാല് രണ്ടുതവണ കുഴിച്ച എണ്ണക്കിണറുകള്ക്കും ഫലമുണ്ടായിരുന്നില്ല.ഇത്തവണ കൃഷ്ണ-ഗോദാവരി തടത്തിലാവും ആദ്യം പര്യവേക്ഷണം നടത്തുക.
അമേരിക്കന് ജിയോളജിക്കല് സര്വേ കണ്ടെത്തിയ പ്രകൃതിവാതക നിക്ഷേപത്തില് മൂന്നിലൊരു ശതമാനവും കൊച്ചിയിലാണ്.അത് കെരലത്തിന്റെ വികസന സ്വപ്നങ്ങള്ക്കും വേഗം കൂട്ടും.
