ന്യൂഡല്ഹി: രാജീവ് ഗാന്ധി വധക്കേസിലെ പ്രതികളെ മോചിതരാക്കാമെന്ന് സുപ്രീംകോടതി. കേസിലെ പ്രതികളെ വിട്ടയക്കാനുള്ള തമിഴ്നാട് സര്ക്കാരിന്റെ തീരുമാനം കോടതി ശരിവയ്ക്കുകയായിരുന്നു. ജസ്റ്റീസ് രഞ്ജന് ഗൊഗോയ് അധ്യക്ഷനായ രണ്ടംഗ ബെഞ്ചാണ് തീരുമാനമെടുത്തത്. പ്രതികളെ ജയില് മോചിതരാക്കാന് സര്ക്കാരിന് ഗവര്ണറെ സമീപിക്കാമെന്ന് സുപ്രീംകോടതി ഉത്തരവിട്ടു. തമിഴ്നാട് സര്ക്കാരിന്റെ ആവശ്യങ്ങളില് ഗര്ണര്ക്ക് തീരുമാനമെടുക്കാമെന്നും പ്രതികളെ മോചിപ്പിക്കാന് സര്ക്കാരിന് അധികാരമുണ്ടെന്നും കോടതി വിധിച്ചു. ഇതോടെ 27 വര്ഷമായി ജയിലില് കഴിയുകയായിരുന്ന മുരുകന്, പേരറിവാളന്, ശാന്തന്, നളിനി, റോബര്ട്ട് പയസ്, ജയകുമാര്, രവിചന്ദ്രന് എന്നീ പ്രതികള് ജയില് മോചിതരായേക്കും. പ്രതികളുടെ വധശിക്ഷ നേരത്തെ സുപ്രീംകോടതി ജീവപര്യന്തമാക്കി കുറച്ചിരുന്നു. ഭരണഘടനയുടെ 161-ാം അനുഛേദപ്രകാരം സംസ്ഥാനങ്ങള്ക്കുള്ള അധികാരം ഉപയോഗിച്ചാണ് എല്ലാ പ്രതികളേയും വിട്ടയക്കാനുള്ള തീരുമാനം തമിഴ്നാട് കൈകൊണ്ടത്.
രാജീവ് ഗാന്ധി വധക്കേസിലെ പ്രതികളെ മോചിതരാക്കാമെന്ന് സുപ്രീംകോടതി
പുതിയ വാർത്തകൾ
Discussion about this post