കൊച്ചി: ശബരിമലയില് മണ്ഡലക്കാലത്ത് എത്തുന്ന യുവതികള്ക്ക് സുരക്ഷ ഒരുക്കുമെന്ന് ഡിജിപി ലോക്നാഥ് ബെഹ്റ. സുരക്ഷ ഒരുക്കേണ്ടത് പൊലീസിന്റ ഉത്തരവാദിത്തമാണ്. ശബരിമലയില് സുരക്ഷ ഒരുക്കാന് പ്രത്യേക കമ്മിറ്റി രൂപീകരിച്ചുവെന്നും അദ്ദേഹം പറഞ്ഞു.
ശബരിമലയില് അക്രമം നടത്തിയ കൂടുതല് ആളുകള്ക്കെതിരെ നടപടി ഉണ്ടാകുമെന്നും ബെഹ്റ വ്യക്തമാക്കി. അക്രമ സംഭവങ്ങളുമായി ബന്ധപ്പെട്ട് 2061 പേരെ വിവിധ ജില്ലകളില് നിന്നായി പൊലീസ് ഇതുവരെ അറസ്റ്റ് ചെയ്തിട്ടുണ്ട്. വ്യാഴാഴ്ച രാത്രി മാത്രം 700 പേരെ അറസ്റ്റ് ചെയ്തു. യുവതികളുള്പ്പെടെ ഉള്ളവര് ഇക്കൂട്ടത്തിലുണ്ട്.
Discussion about this post