തലശ്ശേരി: വിശ്വാസികള് ആത്മാഹുതി നടത്തിയിട്ടായാലും ശബരിമലയിലേക്ക് യുവതികള് കയറുന്നത് തടയുമെന്ന് ഹിന്ദു ഐക്യവേദി സംസ്ഥാന അധ്യക്ഷ കെ.പി.ശശികല പറഞ്ഞു. ശബരിമല കര്മസമിതിയുടെ ധര്മസംഗമം തലശ്ശേരിയില് ഉദ്ഘാടനം ചെയ്ത് സംസാരിക്കുകയായിരുന്നു ശശികല.
നവംബര് അഞ്ചിന് ശബരിമലനട തുറക്കുമ്പോള് പതിനെട്ടാംപടിയില് ആചാരലംഘനം നടന്നാല് ആ നിമിഷം കേരളം നിശ്ചലമാകും. വിശ്വാസികളുടെ കാര്യം വിശ്വാസികള് തീരുമാനിക്കും. മാറിമാറിവരുന്ന സര്ക്കാരുകള്ക്ക് തട്ടിക്കളിക്കാനുള്ള സംവിധാനമായി മാറിയ ദേവസ്വം ബോര്ഡ് വിശ്വാസികള്ക്ക് ആവശ്യമില്ല. ദേവസ്വം ബോര്ഡിനു കീഴിലെ ക്ഷേത്രങ്ങളില് നയാപൈസയിടില്ലെന്ന് വിശ്വാസികള് പ്രതിജ്ഞയെടുക്കണമെന്നും അവര് പറഞ്ഞു.
Discussion about this post