തിരുവനന്തപുരം: കേരളത്തിലെ ഭരണഭാഷ പൂര്ണമായും മലയാളമാക്കുക എന്ന പ്രഖ്യാപിതലക്ഷ്യം കൈവരിക്കുന്നതിന്റെ ഭാഗമായി നവംബര് ഒന്നിന് മലയാളദിനമായും നവംബര് ഒന്നുമുതല് ഏഴുവരെ ഭരണഭാഷാവാരമായും ആഘോഷിക്കും.
ഇക്കാലയളവില് ഭരണഭാഷാമാറ്റത്തിന് ഉതകുംവിധമുള്ള ചര്ച്ചകളും സെമിനാറുകളും സംസ്ഥാന, ജില്ലാ, താലൂക്ക്, പഞ്ചായത്തുതലങ്ങളില് സംഘടിപ്പിക്കും. അപ്രതീക്ഷിതമായി കേരളത്തിനുണ്ടായ പ്രളയദുരിതസാഹചര്യം കണക്കിലെടുത്ത് ഈ വര്ഷം വിപുലമായ ആഘോഷപരിപാടികള് ഒഴിവാക്കും.
നവംബര് ഒന്നിന് എല്ലാ വകുപ്പുകളുടെയും സ്ഥാപനങ്ങളുടെയും ഓഫീസുകളില് ഓഫീസ് തലവന്റെ അധ്യക്ഷതയില് ഭരണഭാഷാസമ്മേളനം സംഘടിപ്പിക്കും. ഭരണഭാഷാപ്രതിജ്ഞ ഉദ്യോഗസ്ഥര്ക്ക് ഓഫീസ് തലവന് ചൊല്ലിക്കൊടുക്കും.
Discussion about this post