കൊല്ലം: തേവലക്കര അരിനല്ലൂര് അരീക്കാവ് ദേവീ ക്ഷേത്രത്തിലെ ഭാഗവത സപ്താഹ യജ്ഞം നവംബര് രണ്ട് മുതല് എട്ട് വരെ നടക്കും. അമ്പലപ്പുഴ സുകുമാരന് നായരാണ് യജ്ഞാചാര്യന്. വവ്വാക്കാവ് രാധാകൃഷ്ണന്, പ്രേമോദ് സൗഗന്ധികം, ആദിനാട് ഷാജു എന്നിവര് യജ്ഞ പൗരാണികരാകും.
ഒന്നിന് നൂറും പാലും ഊട്ട്, മാഹാത്മ്യ പ്രഭാഷണം, സര്പ്പബലി. രണ്ടിന് രാവിലെ ഏഴിന് ഭദ്ര ദീപ പ്രതിഷ്ഠ. ആറിന് രാവിലെ 10ന് രുക്മിണീ സ്വയംവരം. വൈകുന്നേരം അഞ്ചിന് സര്വൈശ്വര്യ പൂജ. ഏഴിന് രാവിലെ 10ന് കുചേല സത്ഗതി. എട്ടിന് വൈകുന്നേരം നാലിന് അവഭൃഥസ്നാന ഘോഷയാത്ര എന്നിവയോടെ യജ്ഞത്തിന് സമാപനമാകും.
Discussion about this post