തിരുവനന്തപുരം: ശ്രീകാര്യം മണ്വിളയില് പ്ലാസ്റ്റിക് നിര്മാണ യൂണിറ്റിലുണ്ടായ തീപിടിത്തം നിയന്ത്രണവിധേയമാക്കി രക്ഷാപ്രവര്ത്തകരെ അഭിനന്ദിച്ച് മുഖ്യമന്ത്രി പിണറായി വിജന്. തീപിടിത്തം നിയന്ത്രണവിധേയമാക്കാന് പതിമൂന്നു മണിക്കൂറോളം സാഹസികമായി പ്രവര്ത്തിച്ച അഗ്നിശമനസേനയ്ക്കും അവര്ക്ക് സഹായം നല്കിയ പോലീസ് ഉള്പ്പെടെയുള്ള മറ്റ് വിഭാഗം ഉദ്യോഗസ്ഥരെയും നാട്ടുകാരെയും അഭിനന്ദിക്കുന്നുവെന്ന് മുഖ്യമന്ത്രി ഫേസ്ബുക്കില് കുറിച്ചു. ഇത്ര വലിയ തീപിടിത്തമുണ്ടായിട്ടും ആര്ക്കും ജീവഹാനിയോ കാര്യമായ പൊള്ളലോ ഏല്ക്കാതിരുന്നത് അഗ്നിശമനസേനയുടെ സമര്ഥമായ ഇടപെടല് കൊണ്ടുമാത്രമാണ്. പ്ലാസ്റ്റിക് സാധനങ്ങള്ക്കാണ് തീപിടിച്ചത് എന്നതും കത്തിനശിച്ചതിലേറെ വസ്തുക്കള് സമീപത്തെ കെട്ടിടങ്ങളില് സൂക്ഷിച്ചിരുന്നു എന്നതും വലിയ വെല്ലുവിളിയായിരുന്നുവെന്നും മുഖ്യമന്ത്രി കൂട്ടിച്ചേര്ത്തു.
പ്ലാസ്റ്റിക് നിര്മാണ യൂണിറ്റിലുണ്ടായ തീപിടിത്തം: രക്ഷാപ്രവര്ത്തകരെ മുഖ്യമന്ത്രി അഭിനന്ദിച്ചു
പുതിയ വാർത്തകൾ
Discussion about this post