തിരുവനന്തപുരം: ക്ഷേത്രപ്രവേശന വിളംബരത്തിന്റെ 82ാം വാര്ഷികാഘോഷത്തിന്റെ ഭാഗമായി വി.ജെ.ടി ഹാളില് ഒരുക്കിയ ചരിത്ര ചിത്രപ്രദര്ശനം മുഖ്യമന്ത്രി പിണറായി വിജയന് ഉദ്ഘാടനം ചെയ്തു. ക്ഷേത്രപ്രവേശന വിളംബരം, അതിന് മുമ്പും തുടര്ന്നും ഉണ്ടായ നവോത്ഥാന മുന്നേറ്റങ്ങളും പോരാട്ടങ്ങളും ഉള്പ്പെടുത്തിയാണ് പ്രദര്ശനം ഒരുക്കിയത്. ഇന്ഫര്മേഷന് പബ്ളിക് റിലേഷന്സ്, സാംസ്കാരികം, പുരാവസ്തു, പുരാരേഖ വകുപ്പുകള് സംയുക്തമായാണ് പ്രദര്ശനം ഒരുക്കിയിരിക്കുന്നത്.
കേരളത്തില് നിലനിന്നിരുന്ന അടിമക്കച്ചവടം, അയിത്തം, സതി, വിവിധ സമരങ്ങളായ കല്ലുമാല പൊട്ടിച്ചെറിയല്, വൈക്കം, ഗുരുവായൂര് സത്യഗ്രഹങ്ങള്, പാലിയം, കുട്ടംകുളം സമരം തുടങ്ങി കേരള നവോത്ഥാന ചരിത്രത്തിലെ സുപ്രധാന ഏടുകള് ഇതില് ഉള്പ്പെടുത്തിയിട്ടുണ്ട്.
Discussion about this post