സന്നിധാനം: മണ്ഡല-മകരവിളക്ക് പൂജകള്ക്കായി നട തുറക്കാന് നിമിഷങ്ങള് മാത്രം ബാക്കി നില്ക്കെ ശബരിമലയില് കര്ശന നിയന്ത്രണങ്ങളുമായി പോലീസ്. അപ്പം, അരവണ കൗണ്ടറുകള്ക്കും അന്നാദാനത്തിനും പോലീസ് നിയന്ത്രണമേര്പ്പെടുത്തി.
24 മണിക്കൂറും പ്രവര്ത്തിച്ചിരുന്ന അരവണ, അപ്പം പ്രസാദ കൗണ്ടറുകള് രാത്രി പത്ത് മണിക്കും അന്നദാന കൗണ്ടര് 11 മണിക്കും അടക്കണമെന്ന് പോലീസ് ദേവസ്വം ബോര്ഡിന് നിര്ദേശം നല്കി. കൂടാതെ വൈകുന്നേരങ്ങളില് മുറികള് വാടകയ്ക്ക് നല്കാന് പാടില്ല. നട അടച്ചാല് ഉടന് സമീപത്തെ കടകള് അടച്ച് താക്കോല് പോലീസിനെ ഏല്പിക്കണമെന്നും നിര്ദേശമുണ്ടെന്ന് ശബരിമല എക്സിക്യുട്ടീവ് ഓഫീസര് അറിയിച്ചു.
പോലീസിന്റെ നിയന്ത്രണങ്ങള് ശബരിമല വരുമാനത്തെ കാര്യമായി ബാധിക്കുമെന്നും നടപ്പാക്കാന് പ്രായോഗികമായ ബുദ്ധിമുട്ടുകളുണ്ടാകുമെന്നും എക്സിക്യൂട്ടീവ് ഓഫീസര് അറിയിച്ചു.
Discussion about this post