പന്തളം: ശബരിമലയില് 144 പ്രഖ്യാപിച്ചത് ഉടന് പിന്വലിക്കണമെന്ന് എന്എസ്എസ് ജനറല് സെക്രട്ടറി ജി. സുകുമാരന് നായര് ആവശ്യപ്പെട്ടു. പന്തളം വലിയകോയിക്കല് ക്ഷേത്രത്തില് ദര്ശനം നടത്തിയ ശേഷം കൊട്ടാരത്തില് മാധ്യമങ്ങളോടു സംസാരിക്കുകയായിരുന്നു അദ്ദേഹം.
ഭാരതത്തിലെ ഒരു ദേവാലയത്തിലും ഇതുവരെ 144 പ്രഖ്യാപിച്ചിട്ടില്ല. ശബരിമലയിലും അനുബന്ധ താവളങ്ങളിലും 144 പ്രഖ്യാപിച്ചതു തന്നെ തെറ്റാണ്. ശബരിമലയിലെ ആചാരാനുഷ്ഠാനങ്ങള് പാലിച്ചു കൊണ്ട് ഭക്തര്ക്ക് ബുദ്ധിമുട്ടുണ്ടാക്കുന്ന ഇപ്പോഴത്തെ നടപടികള് പിന്വലിച്ചു സുഖ ദര്ശനം ഉറപ്പു വരുത്തണമെന്നും അദ്ദേഹം പറഞ്ഞു.
