തിരുവനന്തപുരം: എച്ച്.ടി/ഇച്ച്ടി ഉപഭോക്താക്കള്ക്ക് കാലതാമസം കൂടാതെ പുതിയ വൈദ്യുതി കണക്ഷന് ലഭ്യമാക്കുന്നതിന് സംസ്ഥാന വൈദ്യുതി ബോര്ഡ് ഗ്രീന് ചാനല് സംവിധാനം ആരംഭിച്ചു. ഘട്ടംഘട്ടമായി ഈ സംവിധാനം എല്ലാവിഭാഗം ഉപഭോക്താക്കള്ക്കും ലഭ്യമാകും. കെ.എസ്.ഇ.ബിയുടെ വെബ്സൈറ്റിലെ ഗ്രീന് ചാനല് ഫോര് എച്ച്.ടി/ ഇ.എച്ച്.ടി കണ്സ്യൂമേഴ്സ് എന്ന ഏകജാലക സംവിധാനം വഴി പുതിയ കണക്ഷന് അപേക്ഷ സമര്പ്പിക്കാം.
ഫീല്ഡ് വെരിഫിക്കേഷനും തുടര്പ്രവര്ത്തനങ്ങളുടെ പുരോഗതിയും അപേക്ഷകന് തത്സമയം എസ്.എം.എസ് ആയി ലഭിക്കും. അപേക്ഷയുടെ പുരോഗതി ഓണ്ലൈനായും അപേക്ഷകന് നിരീക്ഷിക്കാം. ഗ്രീന് ചാനല് വഴി ലഭിക്കുന്ന അപേക്ഷകള്ക്ക് സേവനം സമയബന്ധിതമായി ലഭിക്കുന്നു എന്നുറപ്പാക്കാന് ബോര്ഡ് ഉന്നതോദ്യോഗസ്ഥരുടെ മേല്നോട്ടത്തിലാണ് പദ്ധതി നടപ്പാക്കുന്നത്.
Discussion about this post