ഇടുക്കി: പുല്ലുമേട്ടില് കനത്ത മൂടല്മഞ്ഞ് കാരണം മകരജ്യോതി ദര്ശിക്കാനാകാതെ ഭക്തജനങ്ങള് മടങ്ങി. അയല് സംസ്ഥാനങ്ങളില് നിന്നടക്കം ആയിരക്കണക്കിന് അയ്യപ്പഭക്തരാണ് ജ്യോതി ദര്ശിക്കാന് ഇടുക്കി ജില്ലയിലെ വിവിധ സ്ഥലങ്ങളില് എത്തിയത്.
ഇടുക്കി ജില്ലയിലെ പുല്ലുമേട്, പാഞ്ചാലിമേട്, പരുന്തുംപാറ, എന്നിവിടങ്ങളില് ഇതരസംസ്ഥാനങ്ങളില് നിന്നടക്കം ആയിരക്കണക്കിന് ഭക്തരാണ് ശരണ മന്ത്രഘോഷങ്ങളുമായി പൊന്നമ്പലമേട്ടിലെ മകരജ്യോതി ദര്ശിക്കുന്നതിനായി കാത്തിരുന്നത്. എന്നാല് കനത്ത മൂടല്മഞ്ഞു കാരണം പുല്ലുമേടെത്തിയ അയ്യപ്പഭക്തര്ക്ക് മകരവിളക്ക് ദര്ശിക്കാനായില്ല. ഒടുവില് മകര നക്ഷത്രം കണ്ട് ഭക്തര് പുല്ലുമേട് ഇറങ്ങി.
അതേസമയം, മുന് വര്ഷത്തെ അപേക്ഷിച്ച് പകുതിയില് താഴെ ഭക്തജനങ്ങളാണ് മകരവിളക്ക് ദര്ശിക്കാന് എത്തിയത്.
Discussion about this post