പത്തനംതിട്ട: കുംഭമാസ പൂജകള്ക്കായി വൈകിട്ട് അഞ്ചുമണിക്ക് ശബരിമല നട തുറന്നു. തന്ത്രി കണ്ഠരര് രാജീവരുടെ സാന്നിധ്യത്തില് മേല്ശാന്തി വാസുദേവന് നമ്പൂതിരിയാണ് നട തുറന്നത്. ഇന്ന് പ്രത്യേക പൂജകളൊന്നുമില്ല. രാത്രി പത്തിന് ഹരിവരാസനം ചൊല്ലി നട അടയ്ക്കും.
സുപ്രീംകോടതി വിധിയെ തുടര്ന്നുണ്ടായ സംഘര്ഷങ്ങള് കണക്കിലെടുത്ത് കര്ശന സുരക്ഷയാണ് സന്നിധാനത്തും നിലയ്ക്കലും ഏര്പ്പെടുത്തിയിരിക്കുന്നത്. സംഘര്ഷ സാധ്യത കണക്കിലെടുത്ത് കുംഭമാസ പൂജ കാലത്തും നിരോധനാജ്ഞ ഏര്പ്പെടുത്തണമെന്ന് പോലിസ് ആവശ്യപ്പെട്ടിരുന്നുവെങ്കിലും ജില്ലാ കളക്ടര് തയ്യാറായിട്ടില്ല.
കുംഭമാസ പൂജകള്ക്ക് ശേഷം ഞായറാഴ്ച രാത്രി 10ന് നടയടയ്ക്കും.
Discussion about this post