തിരുവനന്തപുരം: ചരിത്രസ്മാരകങ്ങളെ സൂക്ഷിക്കാനും ചരിത്രം സൃഷ്ടിച്ച മഹാന്മാരുടെ ഓര്മ്മകള് നിലനിര്ത്താനുമുള്ള ആത്മബോധം ജനങ്ങള്ക്കുണ്ടാകണമെന്ന് പുരാവസ്തു പുരാരേഖ വകുപ്പ് മന്ത്രി രാമചന്ദ്രന് കടന്നപ്പള്ളി പറഞ്ഞു. പുരാവസ്തു, പുരാരേഖ വകുപ്പുകളുടെ നവീകരിച്ച വെബ്സൈറ്റുകളുടേയും കോട്ടയ്ക്കകത്തെ പൈതൃക പദ്ധതി ഡിജിറ്റല് ദൃശ്യ-ശ്രാവ്യ സഹായിയുടേയും ഉദ്ഘാടനം മാസ്ക്കറ്റ് ഹോട്ടലില് നിര്വഹിക്കുകയായിരുന്നു അദ്ദേഹം. പൈതൃക സ്വത്തുക്കള് കാണാനും കേള്ക്കാനുമുള്ള പൈതൃകബോധം പുതുതലമുറയ്ക്കുണ്ടാകണം. പുരാരേഖകളെക്കുറിച്ച് പഠിക്കാന് അവര് തയ്യാറാകണമെന്നും മന്ത്രി പറഞ്ഞു.
കമ്പ്യൂട്ടര്, മൊബൈല് ഫോണ്, ടാബ്ലെററ് തുടങ്ങിയവയില് പ്രവര്ത്തിക്കുന്ന തരത്തിലാണ് വെബ്സൈറ്റ് തയ്യാറാക്കിയിരിക്കുന്നത്. www.archaelogykerala.org, www.keralaarchives.org എന്നിവയാണ് വെബ്സൈറ്റുകള്. കോട്ടയ്ക്കകത്തെ പൈതൃക പദ്ധതിക്കായുള്ള ഡിജിറ്റല് ദൃശ്യ-ശ്രാവ്യ സഹായി ട്രിവാന്ഡ്രം ഹെറിറ്റേജ് വാക്ക് എന്ന മൊബൈല് ആപ്പിനും തുടക്കം കുറിച്ചു..
Discussion about this post