തിരുവനന്തപുരം: എന്എസ്എസിനെതിരെ അതിരൂക്ഷ വിമര്ശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. മാടമ്പിത്തരം എന്എസ്എസ് മനസില് വച്ചാല് മതിയെന്നും മാടമ്പികളുടെ പിന്നാലെ പോകേണ്ട അവസ്ഥ സിപിഎമ്മിനില്ലെന്നും കോടിയേരി പറഞ്ഞു. തമ്പ്രാക്കളുടെ നിലപാടാണ് എന്എസ്എസിനെന്നും കോടിയേരി പറഞ്ഞു. ജാതിയും മതവും പറഞ്ഞ് വോട്ട് പിടിക്കേണ്ട ഗതികേട് സിപിഎമ്മിനില്ല. ശബരിമലയിലെ എന്എസ്എസ് നിലപാട് തെരഞ്ഞെടുപ്പില് പ്രതികൂലമാവില്ല- കോടിയേരി പറഞ്ഞു. എന്എസ്എസിലെ സാധാരണക്കാര് സിപിഎമ്മിന് ഒപ്പമാണെന്ന് ഓര്ക്കണമെന്നും അദ്ദേഹം കൂട്ടിച്ചേര്ത്തു. ശബരിമല വിഷയത്തില് ആരുമായും ചര്ച്ചക്കില്ലെന്ന് എന്എസ്എസ് ജനറല് സെക്രട്ടറി ജി. സുകുമാരന് നായര് കഴിഞ്ഞ ദിവസം വ്യക്തമാക്കിയിരുന്നു. എന്എസ്എസ് നിലപാടില് ഉറച്ചുനില്ക്കും. തിരുത്തേണ്ടത് സര്ക്കാറാണെന്നും അദ്ദേഹം പ്രസ്താവനയില് പറഞ്ഞിരുന്നു. ഇതിന് പിന്നാലെയാണ് ഇക്കാര്യത്തില് നിലപാട് വ്യക്തമാക്കി കോടിയേരി രംഗത്തെത്തുന്നത്.
എന്എസ്എസിനെതിരെ വീണ്ടും വിമര്ശനവുമായി കോടിയേരി
പുതിയ വാർത്തകൾ
Discussion about this post