തിരുവനന്തപുരം: പാത ഇരട്ടിപ്പിക്കലുമായി ബന്ധപ്പെട്ട് കോട്ടയം മേഖലയില് ചില തീവണ്ടികളുടെ സമയത്തില് മാറ്റം വരുത്തി. കൂടാതെ ചില തീവണ്ടികള് വഴിമാറി ഓടും. കോട്ടയം ആലപ്പുഴ വഴി പോകുന്ന കൊല്ലം-എറണാകുളം മെമു, എറണാകുളം-കായംകുളം പാസഞ്ചര് എന്നിവ 25 മുതല് 31വരെ റദ്ദാക്കി.
കന്യാകുമാരി-മുംബൈ എക്സ്പ്രസ്, ഹൈദരാബാദ്-തിരുവനന്തപുരം പ്രതിവാര എക്സ്പ്രസ് എന്നിവ 27 മുതല് 31വരെ ആലപ്പുഴവഴിയായിരിക്കും സര്വീസ് നടത്തുക. ഈ തീവണ്ടികള്ക്ക് എറണാകുളം ജങ്ഷന്, ചേര്ത്തല, ആലപ്പുഴ, അമ്പലപ്പുഴ, ഹരിപ്പാട് എന്നിവിടങ്ങളില് സ്റ്റോപ്പ് ഉണ്ടാകും.
25നും 29 തീയതികളില് കോര്ബ-തിരുവനന്തപുരം ദ്വൈവാര എക്സ്പ്രസ് ആലപ്പുഴ വഴിയായിരിക്കും സര്വീസ് നടത്തുക. നാഗര്കോവില്-മംഗളൂരു പരശുറാം എക്സ്പ്രസ്, തിരുവനന്തപുരം-ഹൈദരാബാദ് ശബരി എക്സ്പ്രസ്, കൊച്ചുവേളി-ലോകമാന്യ തിലക് ഗരീബ്രഥ് എക്സ്പ്രസ്, തിരുവനന്തപുരം- ന്യൂഡല്ഹി കേരള എക്സ്പ്രസ്, ന്യൂഡല്ഹി-തിരുവനന്തപുരം കേരള എക്സ്പ്രസ് എന്നിവ 31ന് ആലപ്പുഴ വഴി ഓടും.
തിരുവനന്തപുരത്തേക്കുള്ള വേണാട് എക്സ്പ്രസ്, നാഗര്കോവിലിലേക്കുള്ള പരശുറാം എക്സ്പ്രസ് എന്നിവയ്ക്ക് 31 മുതല് മേയ് ഒന്നുവരെ ഏറ്റുമാനൂര് സ്റ്റേഷനിലെ സ്റ്റോപ്പ് താത്കാലികമായി റദ്ദാക്കിയിട്ടുണ്ട്.
കോട്ടയം-തിരുവനന്തപുരം റൂട്ടില് ചില തീവണ്ടികള് 25 മുതല് 31വരെ കോട്ടയം, കുറുപ്പന്തറ, ചിങ്ങവനം എന്നിവിടങ്ങളില് 20 മിനിട്ട് മുതല് 1.15 മണിക്കൂര്വരെ നിര്ത്തിയിടുമെന്നും റെയില്വേ അറിയിപ്പില് പറയുന്നു.
Discussion about this post