തിരുവനന്തപുരം: ഏപ്രില് 7, 8 തീയതികളില് സംസ്ഥാനത്ത് വയനാട് ഒഴികെയുള്ള 13 ജില്ലകളില് ഉയര്ന്ന താപനില ശരാശരിയില് നിന്നും രണ്ടു മുതല് മൂന്നു ഡിഗ്രി വരെ ഉയരാന് സാധ്യതയുള്ളതായി കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. ഈ സാഹചര്യത്തില് സൂര്യാഘാതം ഒഴിവാക്കാന് പൊതുജനങ്ങള് ശ്രദ്ധിക്കണമെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു.
പൊതുജനങ്ങള് രാവിലെ 11 മുതല് വൈകിട്ട് മൂന്നുവരെയെങ്കിലും നേരിട്ട് സൂര്യപ്രകാശം ഏല്ക്കുന്നത് ഒഴിവാക്കുകയും നിര്ജലീകരണം തടയാന് കുടിവെള്ളം എപ്പോഴും കരുതുകയും വേണമെന്ന് ദുരന്തനിവാരണ അതോറിറ്റി മുന്നറിയിപ്പ് നല്കി.
Discussion about this post