തിരുവനന്തപുരം: മദ്യപിച്ച് വാഹനമോടിച്ച് അപകടമുണ്ടാക്കിയകേസില് റിമാന്ഡിലായ സര്വ്വേ വകുപ്പ് ഡയറക്ടര് ശ്രീറാം വെങ്കിട്ടരാമന് ഐഎഎസിനെ സസ്പെന്ഡ് ചെയ്തു. അപകടത്തില് മാധ്യമപ്രവര്ത്തകന് കൊല്ലപ്പെട്ടിരുന്നു.
48 മണിക്കൂറിലേറെ ഒരു ഉദ്യോഗസ്ഥന് ജുഡീഷ്യല് കസ്റ്റഡിയില് കഴിയേണ്ടി വന്നാല് അയാളെ സസ്പെന്ഡ് ചെയ്യണമെന്ന സിവില് സര്വ്വീസ് ചട്ടം കൂടി കണക്കിലെടുത്താണ് ശ്രീറാമിനെ അടിയന്തരമായി സസ്പെന്ഡ് ചെയ്തു കൊണ്ടുള്ള ഉത്തരവ് ചീഫ് സെക്രട്ടറി പുറത്തിറക്കിയത്.
