ശ്രീനഗര്: ജമ്മു കാശ്മീര് സന്ദര്ശനത്തിനെത്തിയ കോണ്ഗ്രസ് നേതാവ് രാഹുല് ഗാന്ധി ഉള്പ്പെടെയുള്ള പ്രതിപക്ഷ പാര്ട്ടി നേതാക്കളെ ശ്രീനഗറില് പോലീസ് തടഞ്ഞു. നേതാക്കളുടെ സന്ദര്ശനം സമാധാനം പുനസ്ഥാപിക്കാനുള്ള നടപടികളെ ബാധിക്കുമെന്ന് ചൂണ്ടിക്കാട്ടിയാണ് നടപടി. സംഘത്തെ തിരിച്ചയക്കുകയും ചെയ്തു. സിപിഎം ജനറല് സെക്രട്ടറി സീതാറാം യെച്ചൂരി, സിപിഐ ജനറല് സെക്രട്ടറി ഡി. രാജ, കോണ്ഗ്രസ് നേതാക്കളായ ഗുലാം നബി ആസാദ്, ആനന്ദ് ശര്മ, തിരുച്ചി ശിവ (ഡിഎംകെ), മനോജ് ഝാ (ആര്ജെഡി), ദിനേഷ് ത്രിവേദി(എന്സിപി) എന്നിവരാണു കാഷ്മീര് സന്ദര്ശിക്കാനെത്തിയ മറ്റു പ്രതിപക്ഷ പാര്ട്ടി നേതാക്കള്. സംഘത്തെ മാധ്യമങ്ങളെ കാണാനും അനുവദിച്ചില്ല. ജമ്മു കാശ്മീരിന്റെ പ്രത്യേക പദവി എടുത്ത് കളഞ്ഞ ശേഷമുള്ള രാഹുലിന്റെ ആദ്യ സന്ദര്ശനമാണിത്. തടങ്കലിലുള്ള നേതാക്കളെയും, ജനങ്ങളെയും കണ്ട് സ്ഥിതി നേരിട്ട് വിലയിരുത്തുകയെന്നതാണ് ലക്ഷ്യമെന്ന് കോണ്ഗ്രസ് വ്യക്തമാക്കിയിരുന്നു.
കാശ്മീര് സന്ദര്ശനം: രാഹുല് ഗാന്ധി ഉള്പ്പെടെയുള്ള പ്രതിപക്ഷ പാര്ട്ടി നേതാക്കളെ ശ്രീനഗറില് പോലീസ് തടഞ്ഞു
പുതിയ വാർത്തകൾ
Discussion about this post