തിരുവനന്തപുരം: പാലാ ഉപതെരഞ്ഞെടുപ്പില് ചരിത്രനേട്ടം സ്വന്തമാക്കിയ എല്ഡിഎഫിനെ അഭിനന്ദിച്ച് മുഖ്യമന്ത്രി പിണറായി വിജയന്. സര്ക്കാരിന്റെ സുസ്ഥിര വികസന- ജനക്ഷേമ പ്രവര്ത്തനങ്ങള് കൂടുതല് ഊര്ജ്ജസ്വലമായി മുന്നോട്ട് കൊണ്ടുപോകാന് കരുത്തുപകരുന്ന ജനിവിധിയാണിതെന്ന് പിണറായി വ്യക്തമാക്കി. വാര്ത്താക്കുറിപ്പിലൂടെയാണ് മുഖ്യമന്ത്രി തെരഞ്ഞെടുപ്പ് വിജയത്തില് പ്രതികരിച്ചത്. ഫേസ്ബുക്ക് കുറിപ്പിലൂടെയും പിണറായി വിജയത്തിലുള്ള സന്തോഷം പങ്കുവെച്ചു.
‘പാലായില് ഇടതുപക്ഷ ജനാധിപത്യമുന്നണിക്ക് ഉന്നത വിജയം സമ്മാനിച്ച ജനങ്ങള്ക്ക് നന്ദി പറയുന്നു. ഇടതുപക്ഷ ജനാധിപത്യമുന്നണി സര്ക്കാരിന്റെ സുസ്ഥിരവികസന-ജനക്ഷേമ പ്രവര്ത്തനങ്ങള് കൂടുതല് ഊര്ജസ്വലമായി മുമ്പോട്ടുകൊണ്ടുപോകാന് കരുത്തുപകരുന്നതാണ് ജനവിധി. തുടര്ന്നും ജനങ്ങളുടെ പ്രതീക്ഷയ്ക്കൊത്ത് സര്ക്കാര് പ്രവര്ത്തിക്കും’- മുഖ്യമന്ത്രി എഴുതി.
Discussion about this post