തിരിച്ചിറപ്പള്ളി: നാലു ദിവസത്തെ ശ്രമകരമായ രക്ഷാപ്രവര്ത്തനങ്ങള് വിഫലമാക്കിക്കൊണ്ട് തിരിച്ചിറപ്പള്ളിയില് കുഴല്കിണറില് വീണ രണ്ടരവയസുകാരന് സുജിത് മരിച്ചു. കുട്ടി കുഴല്ക്കിണറില് വീണ് 75 മണിക്കൂറുകള് പിന്നിട്ടപ്പോഴും നാട്ടുകാരും രക്ഷാപ്രവര്ത്തകരും പ്രതീക്ഷയോടെ ഉറ്റുനോക്കുകയായിരുന്നു. നാലാം ദിവസം പിന്നിട്ടതോടെ പുലര്ച്ചെ ഒരുമണിയോടെ ഡോക്ടര്മാരുടെ സംഘം കുഴല്കിണറില് 85 അടി താഴ്ചയിലുള്ള കുട്ടിയുടെ ആരോഗ്യനില പരിശോധിച്ചിരുന്നു. ക്യാമറ ഉപയോഗിച്ച് നടത്തിയ പരിശോധനയില് കുട്ടിയുടെ ശരീരഭാഗങ്ങള്അഴുകിയ നിലയിലാണെന്ന് വ്യക്തമാകുകയായിരുന്നു. പുലര്ച്ചയോടെ കുട്ടിയുടെ ശരീരഭാഗം പൂര്ണമായും പുറത്തേക്ക് എടുത്തു. കളിക്കുന്നതിനിടെയാണ് സുജിത് കുഴല്കിണറിലേക്ക് വീണത്. വീടിന് അടുത്തുള്ള കുഴല്കിണര് ചാക്കിട്ടുമൂടി മുകളില് മണല് വിരിച്ചിരുന്നു. എന്നാല് ചാക്ക് മാറിയതാണ് സഹോദരനൊപ്പം കളിക്കുന്നതിനെ രണ്ടരവയസുകാരന് വീണത്.
കുഴല്ക്കിണറില് വീണിട്ട് നാല് ദിവസങ്ങള് പിന്നിട്ടെങ്കിലും കുട്ടിയെ ജീവനോടെ പുറത്തെത്തിക്കാമെന്ന പ്രതീക്ഷയിലായിരുന്നു നാട്ടുകാരും രക്ഷാപ്രവര്ത്തനത്തിന് നേതൃത്വം നല്കിയത്. കുട്ടി വീണു കിടക്കുന്ന കുഴല്കിണറിന് സമാന്തരമായി വലിയ കിണര് കുഴിച്ച് അതില് നിന്നും കുട്ടി വീണ കിണറ്റിലേക്ക് തുരങ്കം നിര്മ്മിച്ച് കുട്ടിയെരക്ഷിക്കാനായിരുന്നു ശ്രമം. പ്രദേശത്തെ ഭൂമിയില് പാറക്കെട്ടുകളുടെ സാന്നിധ്യം കണ്ടതിനാല് മറ്റ് സാധ്യതകള് ഉപേക്ഷിച്ചിരുന്നു. കാഠിന്യമേറിയ പാറകളാണ് രക്ഷാപ്രവര്ത്തനം സാധ്യതകളെ പാടെ ഇല്ലാതാക്കി.
കഴിഞ്ഞ വെള്ളിയാഴ്ച വൈകിട്ടാണ് സുജിത് കുഴല്ക്കിണറില് വീണത്. ആദ്യം 26 അടിയില് കുട്ടി തങ്ങി നിന്നിരുന്നു. പിന്നീട് രക്ഷാപ്രവര്ത്തനത്തിനിടെ 85 അടി താഴ്ചയിലേക്ക് വീണു. എന്നാല് ഞായറാഴ്ച പുലര്ച്ചെ 5 മണിവരെ കുട്ടിയുടെ പ്രതികരണം ലഭിച്ചിരുന്നു. രാജ്യം മുഴുവന് കുട്ടിയുടെ ജീവനായി പ്രാര്ത്ഥനയോടെ കാത്തിരിക്കുന്നതിനിടെയാണ് കുട്ടി മരിച്ചുവെന്ന് സ്ഥിരീകരിച്ചത്.
Discussion about this post