തിരുവനന്തപുരം: മുതിര്ന്ന മാധ്യമപ്രവര്ത്തകനും സാമൂഹ്യ-സാംസ്കാരികമേഖലയിലെ മികച്ച സംഘാടകനുമായിരുന്ന പൂവച്ചല് സദാശിവന് ഒന്നാം ചരമവാര്ഷിക ദിനാചരണം തിരുവനന്തപുരം പ്രസ് ക്ലബ് ഹാളില് മുന് മുഖ്യമന്ത്രി ഉമ്മന് ചാണ്ടി ഭദ്രദീപം തെളിച്ച് നിര്വഹിച്ചു. അനുസ്മരണ സമ്മേളനത്തില് വിവിധമേഖലയിലുള്ളവര്ക്ക് ഖാദി ബോര്ഡ് വൈസ് ചെയര്മാന് ശോഭനാ ജോര്ജ്ജ് അവാര്ഡുകള് സമ്മാനിച്ചു. പുരാണശ്രീ പുരസ്കാരം ഡി.ശ്യാമളാ സാംബശിവന് ഏറ്റുവാങ്ങി. കേരള ബാലസാഹിത്യ അവാര്ഡ് ജേതാവ് ശ്രീകല ചിങ്കോലിക്ക് കാവ്യശ്രീ പുരസ്കാരം, അച്ചടി മാധ്യമങ്ങളുടെ പ്രചാരണ-വിതരണമേഖലയില് നിന്നും എസ്.രാമസ്വാമിക്ക് മാധ്യമശ്രീ പുരസ്കാരം, കവി ഗൗരീശപട്ടം എസ്.ജയകുമാറിന് കാവ്യപ്രതിഭ പുരസ്കാരം, തുന്നല്കലാമേഖലയിലെ മികച്ച സേവനത്തിന് മോഹനന് സേവനശ്രീ പുരസ്കാരം എന്നിവ സമ്മാനിച്ചു.
അനുസ്മരണ സമ്മേളനത്തില് മുതിര്ന്ന മാധ്യമപ്രവര്ത്തകരായ കെ.രാമന് പിള്ള, വി.പ്രതാപചന്ദ്രന് നായര്, എം.ബദറുദ്ദീന്, മുട്ടയ്ക്കാട് രവീന്ദ്രന് നായര്, വി.വേണുഗോപാലന് നായര്, വലിയശാല മണികണ്ഠന്, ടി.കെ. ലാല്ജിത്, ലത, പൂവച്ചല് ഉഷ, ആര്.ആര്.പൈ, എന്.കെ.ഭാസി തുടങ്ങിയവര് സംസാരിച്ചു. അനുസ്മരണ സമ്മേളനത്തില് കുടുംബാംഗങ്ങള് സന്നിഹിതരായിരുന്നു.
Discussion about this post