പത്തനംതിട്ട: മണ്ഡലമഹോത്സവത്തിനായി ശബരിമല നട നാളെ തുറക്കും. തീര്ത്ഥാടകരെ ഉച്ചക്ക് രണ്ട് മണിമുതല് പമ്പയില് നിന്നും സന്നിധാനത്തേക്ക് കടത്തിവിട്ടുതുടങ്ങും. നാളെ രാവിലെ പതിനൊന്ന് മണിമുതല് തീര്ത്ഥാടകരെ നിലക്കലില് നിന്നും പമ്പയിലേക്ക് കടത്തിവിടും.
ശബരിമലയിലും അനുബന്ധ പ്രദേശങ്ങളിലും നിരോധനാജ്ഞ ഉണ്ടാകില്ലെന്ന് പത്തനംതിട്ട ജില്ലാകളക്ടര് പി ബി നൂഹ് അറിയിച്ചു. പരമ്പരാഗത കാനന പാതകളിലൂടെയുള്ള യാത്രകള്ക്ക് നിയന്ത്രണം ഉണ്ടാകും. പകല് മൂന്ന് മണി വരെ മാത്രമെ തീര്ത്ഥാടകരെ കയറ്റിവിടുകയുള്ളൂ.
ദര്ശനത്തിന് എത്തുന്ന തീര്ത്ഥാടകര്ക്ക് പമ്പ, നിലക്കല്,സന്നിധാനം എന്നിവിടങ്ങളില് നിയന്ത്രണങ്ങള് ഉണ്ടാകില്ല. കെഎസ്ആര്ടിസി പമ്പാ-നിലക്കല് ചെയിന് സര്വ്വീസുകളുടെ എണ്ണം വര്ദ്ധിപ്പിച്ചു.
നിരോധനാജ്ഞ ഉണ്ടാകില്ലെങ്കിലും കനത്ത സുരക്ഷയാകും ശബരിമല പരിസരത്ത്. പതിനായിരം പൊലീസുകാരെ അഞ്ച് സെക്ടറുകളായി തിരിച്ച് വിന്യസിക്കും. നാളെ വൈകിട്ട് അഞ്ച് മണിക്ക് കണ്ഠരര് മഹേഷ് മോഹനരരുടെ സാന്നിധ്യത്തിലാണ് നടതുറക്കുക. നാളെ പ്രത്യേക പൂജകള് ഒന്നും തന്നെയില്ല.
Discussion about this post