ന്യൂഡല്ഹി: പൗരത്വ ഭേഗതി ബില് രാജ്യസഭയില് അവതരിപ്പിച്ചു. കേന്ദ്രആഭ്യന്തര മന്ത്രി അമിത് ഷായാണ് ബില് അവതരിപ്പിച്ചത്. ബില് ന്യൂനപക്ഷങ്ങള്ക്ക് എതിരല്ലെന്നും മറിച്ചുള്ളത് തെറ്റായ പ്രചരണം മാത്രമാണെന്നും അമിത് ഷാ വ്യക്തമാക്കി. ന്യൂന പക്ഷങ്ങളുടെ അവകാശങ്ങള് സംരക്ഷിക്കുമെന്നും അഭയാര്ഥികളായ ന്യൂനപക്ഷങ്ങളുടെ അവകാശങ്ങള് സംരക്ഷിക്കുകയാണ് ബില്ലിന്റെ ലക്ഷ്യമെന്നും അദ്ദേഹം പറഞ്ഞു. എന്നാല്, ബംഗ്ലാദേശിലെയും പാക്കിസ്ഥാനിലെയും ന്യൂനപക്ഷ വിഭാഗങ്ങളില് സമീപകാലത്ത് 20 ശതമാനത്തിന്റെ കുറവ് രേഖപ്പെടുത്തിയിട്ടുണ്ടെന്ന് പറഞ്ഞ അദ്ദേഹം കുറവ് വന്ന ആളുകള് കൊല്ലപ്പെടുകയോ അല്ലെങ്കില് ഇന്ത്യയിലേക്ക് കടക്കുകയോ ചെയ്തിരിക്കാമെന്നും ചൂണ്ടിക്കാട്ടി. നേരത്തെ, ബില് നിയമപരമാണെന്ന് സഭാ അധ്യക്ഷന് വെങ്കയ്യ നായിഡു പറഞ്ഞിരുന്നു. അതേസമയം, ബില് രാജ്യസഭ സെലക്ട് കമ്മിറ്റിക്ക് വിടണമെന്ന ആവശ്യവുമായി സിപിഐ എംപി ബിനോയ് വിശ്വം രംഗത്തെത്തിയിരുന്നു. ചൊവ്വാഴ്ച, ലോക്സഭയില് ബില് പാസാക്കിയിരുന്നു. 80നെതിരെ 311 വോട്ടിനാണ് ലോക്സഭയില് ബില് പാസാക്കിയത്. രാജ്യസഭയിലും അനായാസം ബില് പാസാക്കാനാകുമെന്ന പ്രതീക്ഷയിലാണ് ബിജെപി.ലോക്സഭയില് ആറു മണിക്കൂറായിരുന്നു ബില്ലിന്മേലുള്ള ചര്ച്ചയെങ്കില് രാജ്യസഭയില് അത് ഏഴു മണിക്കൂര് ആക്കിയിട്ടുണ്ട്. സഭയിലെ ചോദ്യോത്തര വേളയും ഒഴിവാക്കിയിട്ടുണ്ട്.
പൗരത്വ ഭേഗതി ബില് രാജ്യസഭയില് അവതരിപ്പിച്ചു; ന്യൂനപക്ഷങ്ങള്ക്ക് ആശങ്കവേണ്ടെന്ന് അമിത് ഷാ
പുതിയ വാർത്തകൾ
Discussion about this post