തിരുവനന്തപുരം: 87-ാമത് ശിവഗിരി തീര്ത്ഥാടനം ഈ മാസം 30ന് ആരംഭിച്ച് 2020 ജനുവരി ഒന്നിന് സമാപിക്കും. തീര്ത്ഥാടനം ഉപരാഷട്രപതി വെങ്കയ്യനായിഡു ഉദ്ഘാടനം ചെയ്യും. 30ന് രാവിലെ രാവിലെ 7.30ന് സ്വാമി വിശുദ്ധാനന്ദ ധര്മപതാക ഉയര്ത്തും. അറിവ്, ആരോഗ്യം, ആത്മീയത എന്നീ ആശയങ്ങളെ മുന്നിര്ത്തിയുള്ള മഹാതീര്ത്ഥാടനത്തിന്റെ ഉദ്ഘാടനപരിപാടിയില് ഗവര്ണര് ആരിഫ് മുഹമ്മദ്ഖാന് അധ്യക്ഷത വഹിക്കും. കേന്ദ്രമന്ത്രി വി. മുരളീധരന് മുഖ്യാതിഥിയാകും. ധര്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ അനുഗ്രഹപ്രഭാഷണം നടത്തും.
തീര്ത്ഥാടനം സുഗമമായി നടത്താനുള്ള എല്ലാ ഒരുക്കങ്ങളും പൂര്ത്തിയായതായി ശ്രീനാരായണ ധര്മസംഘം ട്രസ്റ്റ് ജനറല് സെക്രട്ടറി സ്വാമി സാന്ദ്രാനന്ദ അറിയിച്ചു.
Discussion about this post