ന്യൂഡല്ഹി: രണ്ടാം മോദി സര്ക്കാരിന്റെ ആദ്യ സമ്പൂര്ണ ബജറ്റ് ധനമന്ത്രി നിര്മല സീതാരാമന് പാര്ലമെന്റില് അവതരിപ്പിച്ചു. മോദിസര്ക്കാരിന്റെ നേട്ടങ്ങളെ എണ്ണിപ്പറഞ്ഞുകൊണ്ട് ആരംഭിച്ച ബജറ്റ് അവതരണം രണ്ട് മണിക്കൂര് 40 മിനുട്ട് നീണ്ടുനിന്നു.
അടിസ്ഥാന സൗകര്യ വികസനത്തിന് ഊന്നല് നല്കിയ ബജറ്റില് ആദായ നികുതി നിരക്കുകളില് കുറവ് വരുത്തിയിട്ടുണ്ട്. കാര്ഷികമേഖലയില് വന് പദ്ധതികള് ബജറ്റില് ധനമന്ത്രി പ്രഖ്യാപിച്ചു. കര്ഷകര്ക്കായി പതിനാറിന വികസന പദ്ധതികളാണ് ബജറ്റില് പ്രഖ്യാപിച്ചത്. ഇതിനായി 2.83 ലക്ഷം കോടി ചെലവഴിക്കും. കൂടാതെ കിസാന് റെയില്, കിസാന് ക്രെഡിറ്റ് കാര്ഡ്, കൃഷി ഉഡാന് തുടങ്ങിയ പദ്ധതികളും ബജറ്റിലുണ്ട്. ഗതാഗത മേഖലയ്ക്ക് 1.7 ലക്ഷം കോടി ബജറ്റില് വകയിരുത്തി. 2024ഓടെ നൂറ് പുതിയ വിമാനത്താവളങ്ങള് രാജ്യത്ത് നിര്മിക്കും. ആരോഗ്യ മേഖലയ്ക്ക് 69,000 കോടി രൂപ പ്രഖ്യാപിച്ചു. പുതിയ വിദ്യാഭ്യാസ നയം ഉടന് പ്രഖ്യാപിക്കും. വിദ്യാഭ്യാസ മേഖലയ്ക്ക് 99300 കോടിയും വനിതാക്ഷേമത്തിനായി 28600 കോടിയും പ്രഖ്യാപിച്ചു.
അടിസ്ഥാന സൗകര്യവികസനത്തിന് അഞ്ച് വര്ഷം കൊണ്ട് 100 ലക്ഷം കോടി രൂപയും വ്യാവസായ വാണിജ്യവികസനത്തിന് 273000 കോടിയും ചെലവഴിക്കും.
Discussion about this post