തിരുവനന്തപുരം: ശ്രീരാമദാസ മിഷന്‍ യൂണിവേഴ്സല്‍ സൊസൈറ്റിയുടെ ആഭിമുഖ്യത്തില്‍ നടക്കുന്ന ശ്രീരാമനവമി രഥയാത്രയ്ക്കുള്ള ശ്രീരാമരഥം ചേങ്കോട്ടുകോണം ശ്രീരാമദാസ ആശ്രമത്തില്‍ നിന്നും ഇന്ന് രാവിലെ(മാര്‍ച്ച് 8) 10.15ന് തിരുവനന്തപുരം പഴവങ്ങാടി ശ്രീമഹാഗണപതി ക്ഷേത്രത്തിലെത്തി നാളികേരമുടച്ച് കൊല്ലൂര്‍ ശ്രീമൂകാംബികാ ദേവീക്ഷേത്രത്തിലേക്ക് യാത്ര തിരിച്ചു. ശ്രീരാമദാസ മിഷന്‍ യൂണിവേഴ്സല്‍ സൊസൈറ്റി ജനറല്‍ സെക്രട്ടറി ഉണ്ണിക്കൃഷ്ണന്‍ മംഗലശ്ശേരി, ശ്രീരാമനവമി ഹിന്ദുമഹാസമ്മേളനം ജനറല്‍ കണ്‍വീനര്‍ ഡോ.പൂജപ്പുര കൃഷ്ണന്‍ നായര്‍, രഥയാത്ര തിരുവനന്തപുരം ജില്ലാകോ-ഓര്‍ഡിനേറ്റര്‍ ഡി.ഭഗവല്‍ദാസ്, ബ്രഹ്മചാരി അരുണ്‍ തുടങ്ങിയവര്‍ സന്നിഹിതരായിരുന്നു. മാര്‍ച്ച് 12ന് കൊല്ലൂര്‍ ശ്രീമൂകാംബികാ ദേവീക്ഷേത്ര സന്നിധിയില്‍ നിന്നും ശ്രീരാമദാസ മിഷന്‍ അദ്ധ്യക്ഷന്‍ സ്വാമി ബ്രഹ്മപാദാനന്ദ സരസ്വതി തൃപ്പാദങ്ങള്‍ ഭദ്രദീപ പ്രതിഷ്ഠ നടത്തി ശ്രീരാമനവമി രഥയാത്ര ആരംഭിക്കും. സീതാ-രാമ-ആഞ്ജനേയ വിഗ്രഹങ്ങളും ശ്രീരാമപാദുകം എന്നിവ നിത്യപൂജയ്ക്കായി ശ്രീരാമരഥത്തില്‍ ഉണ്ടാകും.
ശ്രീരാമരഥം ശ്രീമൂകാംബികയിലേക്ക് തിരിച്ചു
പുതിയ വാർത്തകൾ
Discussion about this post