തിരുവനന്തപുരം: സംസ്ഥാനത്തെ പ്രത്യേക സാഹചര്യം പരിഗണിച്ച് അവധിയിലുള്ള ഡോക്ടര്മാര് ഉള്പ്പെടെയുള്ള ജീവനക്കാര് അടിയന്തരമായി ജോലിയില് പ്രവേശിക്കണമെന്ന് ആരോഗ്യ വകുപ്പ് മന്ത്രി കെ.കെ. ശൈലജ അറിയിച്ചു.
വ്യക്തമായ കാരണങ്ങളില്ലാത്തവരെല്ലാം ഉടന്തന്നെ ജോലിയില് പ്രവേശിക്കണം. പ്രാഥമികാരോഗ്യ കേന്ദ്രങ്ങള് വൈകുന്നേരം 6 മണി വരെ പ്രവര്ത്തിക്കാനും നിര്ദേശം നല്കി. കൂടുതല് ഡോക്ടര്മാരെ താത്ക്കാലികമായി നിയമിക്കും. കേരളം ഒറ്റക്കെട്ടായി കോവിഡ് 19നെതിരെ ശക്തമായ പ്രതിരോധ പ്രവര്ത്തനങ്ങളാണ് നടത്തുന്നത്. ഈയൊരവസരത്തില് എല്ലാ ആരോഗ്യ പ്രവര്ത്തകരുടേയും കൂട്ടായ പ്രവര്ത്തനമാണ് ആവശ്യമെന്ന് മന്ത്രി വ്യക്തമാക്കി.
Discussion about this post