ഭോപ്പാല്: രാഷ്ട്രീയ അനിശ്ചിതത്വങ്ങള്ക്ക് വിരാമമിട്ട് മധ്യപ്രദേശ് മുഖ്യമന്ത്രി കമല്നാഥ് രാജിവെച്ചു. വിശ്വാസ വോട്ടെടുപ്പ് ഇന്ന് തന്നെ നടത്തണമെന്ന സുപ്രീം കോടതി ഉത്തരവിന് പിന്നാലെയാണ് കമല്നാഥ് രാജി വെച്ചിരിക്കുന്നത്. വാര്ത്താസമ്മേളനത്തിലാണ് കമല്നാഥ് രാജിക്കാര്യം ഔദ്യോഗികമായി അറിയിച്ചത്.
കമല്നാഥിന്റെ രാജിയോടെ 15 മാസം മാത്രം ആയുസുണ്ടായിരുന്ന കോണ്ഗ്രസ് സര്ക്കാരാണ് താഴെ വീണിരിക്കുന്നത്. രാജിക്കത്ത് ഒരു മണിക്ക് ഗവര്ണര്ക്ക് കൈമാറുമെന്ന് അദ്ദേഹം അറിയിച്ചു. മധ്യപ്രദേശ് സര്ക്കാരിന് വിശ്വാസ വോട്ടെടുപ്പില് അതിജീവിക്കാന് കഴിയില്ലെന്ന് മുതിര്ന്ന നേതാവ് ദിഗ് വിജയ് സിംഗ് നേരത്തെ തന്നെ വ്യക്തമാക്കിയിരുന്നു.
സിന്ധ്യക്ക് പിന്നാലെ 16 എംഎല്എമാര് കൂടി രാജിവെച്ചതോടെ സഭയില് കോണ്ഗ്രസ് അംഗങ്ങളുടെ എണ്ണം 92 ആയി ചുരുങ്ങിയിരുന്നു. ബിജെപിക്ക് 107 അംഗങ്ങളാണുള്ളത്. അതേസമയം, ഇന്ന് വൈകുന്നേരം അഞ്ച് മണിക്കുള്ളില് വിശ്വാസവോട്ടെടുപ്പ് പൂര്ത്തിയാക്കണമെന്നാണ് കോടതി നിര്ദ്ദേശിച്ചിരുന്നത്.
Discussion about this post