ന്യൂഡല്‍ഹി: ഷഹാബുദ്ദീന്‍ യാക്കൂബ്‌ ഖുറേഷിയെ മുഖ്യ തെരഞ്ഞെടുപ്പ്‌ കമ്മീഷണറായി രാഷ്‌ട്രപതി പ്രതിഭാ പാട്ടീല്‍ നിയമിച്ചു. ഇപ്പോഴത്തെ മുഖ്യ കമ്മീഷണര്‍ നവീന്‍ ചൗള സ്ഥാനമൊഴിയുന്ന ജൂലൈ 30ന്‌ ഖുറേഷി സ്ഥാനമേല്‍ക്കും. മുഖ്യ തെരഞ്ഞെടുപ്പ്‌ കമ്മീഷറാറുന്ന ആദ്യ മുസ്ലീംസമുദായക്കാരനാണ്‌ 63 കാരനായ എസ്‌.വൈ.ഖുറേഷി. സിവില്‍സര്‍വീസില്‍ 35 വര്‍ഷത്തെ അനുഭവ സമ്പത്തുള്ള അദ്ദേഹം കഴിഞ്ഞ നാലു വര്‍ഷത്തിലധികമായി കേന്ദ്ര തെരഞ്ഞെടുപ്പ്‌ കമ്മീഷന്‍ അംഗമായി പ്രവര്‍ത്തിച്ചു വരുകയാണ്‌. 1971 കേഡര്‍ ഐഎഎസ്‌ ഉദ്യോഗസ്ഥനാണ്‌.
Discussion about this post