ന്യൂഡല്‍ഹി: രാജ്യം കൊറോണക്കെതിരെ മാത്രമല്ല വ്യാജവാര്‍ത്തകള്‍ക്കെതിരെയും ജാഗ്രത പുലര്‍ത്തണമെന്ന് വാര്‍ത്താവിതരണ പ്രക്ഷേപണ വകുപ്പും പ്രധാനമന്ത്രിയും. ഓരോ ദിവസവും രാജ്യത്തിന്റെ വിവിധ ഭാഗങ്ങളില്‍ നിന്നും പുറത്തുവരുന്ന വാര്‍ത്തകളില്‍ നിരവധി വാര്‍ത്തകള്‍ തികച്ചും വാസ്തവവിരുദ്ധമാണ്. ലോക് ഡൗണ്‍ കാലാവധി അനിശ്ചിത കാലത്തേക്ക് നീട്ടിയെന്നും ദുരുതാശ്വാസ ഫണ്ടുകള്‍ക്കായി വ്യാജ അക്കൗണ്ടുകള്‍ പ്രചരിപ്പിക്കുക തുടങ്ങിയ പ്രവണതകള്‍ ശ്രദ്ധയില്‍പ്പെട്ട സാഹചര്യത്തിലാണ് മുന്നറിയിപ്പ്.
രാജ്യത്തെ ആരോഗ്യവിഭാഗത്തിന്‍രെ പേരിലും വ്യാജ ചികിത്സാ നിര്‍ദ്ദേശങ്ങള്‍ സമൂഹമാധ്യമങ്ങളിലൂടെ പുറത്തുവരുന്നതും ശ്രദ്ധിക്കണമെന്നും പ്രധാനമന്ത്രി മുന്നറിയിപ്പ് നല്‍കി. സമൂഹമാധ്യമങ്ങള്‍ വഴി അത്തരം വാര്‍ത്തകള്‍ അതിവേഗം പരക്കുന്നതിനാല്‍ ശ്രദ്ധവേണം. ഏതെങ്കിലും മാധ്യമത്തില്‍ വന്ന വാര്‍ത്തയായതിനാല്‍ ആളുകള്‍ അപ്പാടെ സത്യമെന്തെന്ന് നോക്കാതെ പ്രതികരിക്കുന്ന സ്ഥിതിയാണെന്നും വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നു. ഇത്തരം വാര്‍ത്തകള്‍ക്കെതിരെ ഉത്തരവാദിത്വപ്പെട്ട മാധ്യമങ്ങളെല്ലാം സദാ ജാഗ്രത പുലര്‍ത്തണമെന്നും വാര്‍ത്തകളുടെ ഉറവിടത്തെപ്പറ്റി പ്രാദേശിക തലത്തില്‍ നല്ല നിരീക്ഷണം നടത്തിയ ശേഷമേ പ്രസിദ്ധീകരിക്കാവൂ എന്നും കേന്ദ്ര വാര്‍ത്താവിതരണ പ്രക്ഷേപണ വകുപ്പ് അറിയിച്ചു.
Discussion about this post