കൊച്ചി : കേരളത്തിലും തമിഴ്നാട്ടിലുമായി ലോക്ഡൗണിന്റെ ഭാഗമായി യാത്രാപ്രതിസന്ധിയിലായ 112 ഫ്രഞ്ച് പൗരന്മാരെ ഇന്ത്യ നാട്ടിലേക്ക് അയച്ചു. പ്രത്യേക വിമാനത്തില് നെടുമ്പാശ്ശേരിയില് നിന്നാണ് ഇവരെ നാട്ടിലേക്ക് അയച്ചത്. ഫ്രഞ്ച് എംബസിയുടെ ആവശ്യപ്രകാരം 24 മണിക്കൂറിനുള്ളില് നടപടിക്രമങ്ങള് പൂര്ത്തിയാക്കി കൊച്ചിയിലെത്തിച്ച് കയറ്റി വിടുകയായിരുന്നു.
വിവിധ സ്ഥലങ്ങളിലായി പെട്ടു പോയിരുന്നവരാണ് ഇവര്. വിനോദ സഞ്ചാര വിസയില് മാര്ച്ച് 11 ന് മുന്പ് സംസ്ഥാനത്തെത്തിയവരില് 3 വയസുകാരന് മുതല് 85 വയസുള്ളവര് വരെയുണ്ട്. വിനോദ സഞ്ചാരികളും, ആയുര്വേദ ചികിത്സക്കെത്തിയവരുമാണ് എല്ലാവരും.
Discussion about this post