ന്യൂഡല്ഹി: നാം എല്ലാകാര്യങ്ങളിലും സ്വയംപര്യാപ്തമാകണമെന്ന് പ്രധാനമന്ത്രി നരേന്ദ്ര മോദി. സ്വയംപര്യാപത്രാകേണ്ടതിന്റെ ആവശ്യകതയാണ് കോവിഡ് നമ്മെ പഠിപ്പിക്കുന്നത്. രാജ്യം ഇതുവരെ നേരിടാത്ത പ്രതിസന്ധിയിലൂടെയാണ് ഇപ്പോള് കടന്നുപോകുന്നത്. ഗ്രാമപഞ്ചായത്ത് പ്രതിനിധികളുമായി വീഡിയോ കോണ്ഫറന്സിലൂടെ സംസാരിക്കുകയായിരുന്നു പ്രധാനമന്ത്രി. സ്വന്തം നിലയില് പ്രതിരോധം വികസിപ്പിക്കണം. രാജ്യത്തിന്റെ പുറത്തുനിന്നുള്ള സഹായമല്ല അഭ്യര്ഥിക്കേണ്ടത്. പഞ്ചായത്തുകളുടെ ശക്തിയാണ് ജനാധിപത്യത്തിന്റെ ശക്തി. ഒന്നേകാല് ലക്ഷം പഞ്ചായത്തുകളില് ബ്രോഡ്ബാന്ഡ് എത്തിച്ചുവെന്നും മോദി പറഞ്ഞു. കോവിഡ് നമ്മെ പുതിയ പാഠങ്ങള് പഠിപ്പിച്ചു. നമ്മുടെ പ്രവര്ത്തനശൈലി മാറണം. അടിസ്ഥാനസൗകര്യങ്ങള് വികസിപ്പിക്കണമെന്നും മോദി കൂട്ടിച്ചേര്ത്തു. അവരവര് സുരക്ഷ ഉറപ്പാക്കണം. ആരോഗ്യപരിപാലന ചട്ടങ്ങള് കര്ശനമായി പാലിച്ചാലേ ഈദുരന്തത്തില് നിന്നും കരകയറാന് സാധിക്കുകയുള്ളൂ, പ്രധാനമന്ത്രി കൂട്ടിച്ചേര്ത്തു.
Discussion about this post