ന്യൂഡല്ഹി: ഉത്തര്പ്രദേശില് ലോറികള് കൂട്ടിയിടിച്ചു കൊല്ലപ്പെട്ടവരുടെ കുടുംബത്തിന് പ്രധാനമന്ത്രി ധനസഹായം പ്രഖ്യാപിച്ചു. കൊല്ലപ്പെട്ടവരുടെ കുടുംബത്തിന് രണ്ട് ലക്ഷം രൂപ വീതം ധനസഹായം നല്കുമെന്ന് പ്രധാനമന്ത്രിയുടെ ഓഫീസ് അറിയിച്ചു.
23 പേരാണ് ഉത്തര്പ്രദേശിലെ ഔറേയില് ലോറികള് കൂട്ടിയിടിച്ചുണ്ടായ അപകടത്തില് മരിച്ചത്. നിരവധി പേര്ക്ക് പരിക്കേല്ക്കുകയും ചെയ്തിട്ടുണ്ട്. രാജസ്ഥാനില് നിന്ന് ഉത്തര്പ്രദേശിലേക്ക് ലോറിയില് പോയ തൊഴിലാളികളാണ് അപകടത്തില്പ്പെട്ടത്. ഇന്നലെയായിരുന്നു അപകടമുണ്ടായത്. ബിഹാര്, ജാര്ഖണ്ഡ്, പശ്ചിമബംഗാള്, എന്നിവിടങ്ങളില് നിന്നുള്ളവരാണ് അപകടത്തില്പ്പെട്ടത്.
അത്യന്തം ദൗര്ഭാഗ്യകരമായ സംഭവമാണിതെന്നും അപകടത്തില് മരണപ്പെട്ടവരുടെ കുടുംബത്തോടൊപ്പം ഉണ്ടെന്നും പ്രധാനമന്ത്രി പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം. പരിക്കേറ്റവര് എത്രയും വേഗം സുഖം പ്രാപിക്കട്ടെയെന്ന് പ്രാര്ത്ഥിക്കുന്നുവെന്നും പ്രധാനമന്ത്രി ട്വിറ്ററില് കുറിച്ചുിരുന്നു.
Discussion about this post