ന്യൂഡല്ഹി: സ്വദേശത്തേക്കു മടങ്ങുന്ന കുടിയേറ്റ തൊഴിലാളികളില്നിന്നു യാത്രക്കൂലി വാങ്ങരുതെന്ന് സുപ്രീം കോടതി ഉത്തരവിട്ടു. കൂടാതെ റെയില്വേയും സംസ്ഥാന സര്ക്കാരും ഇവര്ക്ക് ഭക്ഷണം ഉറപ്പാക്കണമെന്നും ഉത്തരവില് പറയുന്നു. ജസ്റ്റീസ് അശോക് ഭൂഷണ് അധ്യക്ഷനായ മൂന്നംഗ ബെഞ്ചാണ് കേസ് പരിഗണിച്ചത്.
അമ്പതിലേറെ ചോദ്യങ്ങളാണ് സോളിസിറ്റര് ജനറല് തുഷാര് മേത്തയോട് കോടതി ചോദിച്ചത്. ടിക്കറ്റ് ചാര്ജ് ആരാണ് വഹിക്കുന്നതെന്ന ചോദ്യത്തിനു വ്യക്തമായ ഉത്തരം നല്കാന് കേന്ദ്രത്തിനും സംസ്ഥാനങ്ങള്ക്കും കഴിഞ്ഞില്ല. യാത്രക്കൂലി കേന്ദ്ര-സംസ്ഥാന സര്ക്കാരുകള്ക്കൊപ്പം റെയില്വേകൂടി വഹിക്കുന്ന രീതി നടപ്പാക്കണമെന്ന് കോടതി പറഞ്ഞു. ടിക്കറ്റിനുള്ള പണം ഏത് സംസ്ഥാനം മുടക്കുന്നു, ഭക്ഷണം ആര് തയാറാക്കുന്നു എന്നതു സംബന്ധിച്ച് വ്യക്തമായ ധാരണയുണ്ടാകണമെന്നും ഉത്തരവില് പറയുന്നു.
തൊഴിലാളികള് യാത്ര തിരിക്കുന്ന സംസ്ഥാനം ആദ്യദിവസത്തെ ഭക്ഷണം ഉറപ്പാക്കണം. മറ്റു ദിവസങ്ങളിലെ ഭക്ഷണം റെയില്വേ നല്കണമെന്നും ഉത്തരവില് പറയുന്നു. കുടിവെള്ളം ഉള്പ്പെടെയുള്ള കാര്യങ്ങള് സംസ്ഥാനങ്ങളും റെയില്വേയും വഹിക്കണമെന്നും കോടതി ഉത്തരവിട്ടു.
Discussion about this post