ശ്രീനഗര്‍: ജമ്മുകശ്മീരില്‍ വീണ്ടും ഏറ്റുമുട്ടല്‍ തുടങ്ങി. ജമ്മുകശ്മീരിലെ ഷോപിയാന്‍ ജില്ലയിലാണ് സുരക്ഷാസേനയും ഭീകരവാദികളും തമ്മില്‍ ഏറ്റുമുട്ടല്‍ നടന്നത്. ഏറ്റുമുട്ടലില്‍ സുരക്ഷാസേന ഭീകരരെ വളഞ്ഞതായാണ് റിപ്പോര്‍ട്ട്. പ്രദേശത്ത് ഭീകരുടെ സന്നിധ്യം ഉള്ളതായി വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് ജമ്മുകശ്മീര്‍ പൊലീസും 44 രാഷ്ട്രീയ റൈഫിള്‍സും സെന്‍ട്രല്‍ റിസര്‍വ് പോലീസ് സേനയും സംയുക്തമായി തിരച്ചില്‍ ആരംഭിച്ചത്.
തിരച്ചിലിനിടെ ഭീകരര്‍ സൈന്യത്തിന് നേരെ വെടിയുതിര്‍ത്തെങ്കിലും സൈന്യം തിരിച്ചടിക്കുകയും ഭീകരയെ വളയുകയുകയുമായിരുന്നു. പ്രദേശത്ത് സൈന്യത്തിന്റെ തിരച്ചില്‍ ഇപ്പോഴും തുടരുകയാണ്. കഴിഞ്ഞ 24 മണിക്കൂറിനിടെ ജമ്മുകശ്മീരില്‍ നടന്ന രണ്ടാമത്തെ ഏറ്റുമുട്ടലാണിത്. ഇന്ന് രാവിലെ ജമ്മുകശ്മീരിലെ അവന്തിപ്പൊരയിലുണ്ടായ ഏറ്റുമുട്ടലില്‍ ഒരു ഭീകരനെ സുരക്ഷ സേന വധിച്ചിരുന്നു. അവന്തിപ്പൊരയിലെ പാംപോറെയിലുള്ള മീജിലാണ് ഏറ്റുമുട്ടലുണ്ടായതെന്ന് കശ്മീര്‍ പോലീസ് അറിയിച്ചു. സെന്യം വധിച്ച ഭീകരനെ തിരിച്ചറിഞ്ഞിട്ടില്ല. ഏറ്റുമുട്ടലിനു പിന്നാലെ പ്രദേശത്ത് സേന തെരച്ചില്‍ ശക്തമാക്കി.
കശ്മീര്‍ പോലീസും സൈനികരും സംയുക്തമായാണ് തെരച്ചില്‍ നടത്തുത്തിയത്. സ്ഥിരം നിരീക്ഷണത്തിനിറങ്ങിയ സൈനികര്‍ക്ക് നേരെ ഭീകരര്‍ വെടിയുതിര്‍ത്തതോടെയാണ് സൈന്യം തിരിച്ചടി ആരംഭിച്ചത്. ജൂണ്‍ 16ന് ഷോപ്പിയാനിലും സമാനമായ രീതിയില്‍ ഏറ്റുമുട്ടലുണ്ടായിരുന്നു. മൂന്ന് ഭീകരരെയാണ് അന്ന് സൈന്യം വധിച്ചത്.
Discussion about this post