ലക്നൗ: അയോധ്യയില് രാമക്ഷേത്ര നിര്മാണത്തിന് തുടക്കമായി. ഉച്ചയ്ക്ക് 12.30നു നടന്ന പൂജകള്ക്കുശേഷം പ്രധാനമന്ത്രി നരേന്ദ്രമോദി ക്ഷേത്രത്തിന്റെ ശിലാസ്ഥാപന കര്മം നടത്തി. 40 കിലോഗ്രാം തൂക്കമുള്ള വെള്ളിശിലയാണ് പാകിയത്. ശിലാസ്ഥാപനത്തിനു മുന്നോടിയായി അദ്ദേഹം ക്ഷേത്രഭൂമിയില് പാരിജാതത്തൈ നട്ടു.
ന്യൂഡല്ഹിയില്നിന്ന് പ്രത്യേക വിമാനത്തില് ലക്നൗവില് എത്തിയ പ്രധാനമന്ത്രി അവിടെനിന്ന് പ്രത്യേക ഹെലിക്കോപ്റ്ററില് അയോധ്യയിലെ സകേത് കോളേജ് ഹെലിപ്പാഡില് വന്നിറങ്ങി. ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് പ്രധാനമന്ത്രിയെ സ്വീകരിച്ചു. തുടര്ന്ന് ഹനുമാന് ഗഡി ക്ഷേത്രത്തിലും താല്ക്കാലിക ക്ഷേത്രത്തിലും ദര്ശനം നടത്തി.
ആര്എസ്എസ് അധ്യക്ഷന് മോഹന് ഭാഗവത്, യുപി ഗവര്ണര് ആനന്ദി ബെന് പട്ടേല്, മുഖ്യമന്ത്രി യോഗി ആദിത്യനാഥ്, രാമക്ഷേത്ര നിര്മാണ ട്രസ്റ്റിന്റെ അധ്യക്ഷന് മഹന്ത് നൃത്യഗോപാല് ദാസ് എന്നിവര് ചടങ്ങില് സന്നിഹിതരായിരുന്നു.
Discussion about this post