ന്യൂഡല്ഹി: പ്രധാനമന്ത്രി നരേന്ദ്ര മോദിയുടെ ആശംസാ കത്തിന് നന്ദി അറിയിച്ച് മുന് ഇന്ത്യന് നായകന് മഹേന്ദ്ര സിംഗ് ധോണി. പ്രധാനമന്ത്രിയുടെ ആശംസകള്ക്കും അഭിനന്ദനങ്ങള്ക്കും ധോണി നന്ദി അറിയിച്ചു. ട്വിറ്ററിലൂടെയാണ് ധോണി പ്രധാനമന്ത്രിക്ക് നന്ദി അറിയിച്ചത്.
‘തന്റെ കര്മത്തിലെ ഉറച്ചവിശ്വാസവും ആത്മസമര്പ്പണവും അംഗീകരിക്കപ്പെടുകയും പ്രശംസിക്കപ്പെടുകയുമാണ് ഓരോ കലാകാരനും സൈനികനും കായികതാരവും ആഗ്രഹിക്കുന്നത്. പ്രധാനമന്ത്രി നരേന്ദ്ര മോദിയുടെ ആശംസകള്ക്കും അഭിനന്ദനങ്ങള്ക്കും നന്ദി’. പ്രധാനമന്ത്രിയുടെ കത്ത് ട്വീറ്റ് ചെയ്തുകൊണ്ട് ധോണി പറഞ്ഞു.
വിരമിക്കല് തീരുമാനം രാജ്യത്തെ 130 കോടി ജനങ്ങളെ നിരാശരാക്കിയെന്നാണ് മോദി ധോണിക്കയച്ച കത്തില് പറഞ്ഞിരുന്നത്. ധോണിയുടെ കഴിഞ്ഞ ഒന്നര പതിറ്റാണ്ട് കാലത്തെ സംഭാവനകളെയും മറക്കാനാകാത്ത നിമിഷങ്ങളെയും പ്രധാനമന്ത്രി അഭിനന്ദിച്ചിരുന്നു. ധോണിയുടെ നേട്ടങ്ങള് എടുത്തു പറഞ്ഞുകൊണ്ടായിരുന്നു പ്രധാനമന്ത്രി ആശംസകള് നേര്ന്നത്.
Discussion about this post