തിരുവനന്തപുരം: മന്ത്രിമാരുടെ നേതൃത്വത്തില് നടത്തുന്ന സാന്ത്വന സ്പര്ശം എന്ന പേരിലുള്ള അദാലത്തുകള് ജില്ലാതലത്തില് ഫെബ്രുവരി ഒന്നു മുതല് 18 വരെ നടക്കുമെന്നു മുഖ്യമന്ത്രി പിണറായി വിജയന് അറിയിച്ചു.
പരാതികള് സ്വന്തം നിലയില് ഓണ്ലൈനായോ അക്ഷയ കേന്ദ്രങ്ങള് വഴിയോ സമര്പ്പിക്കാം. അപേക്ഷാഫീസ് ഈടാക്കുന്നതല്ല. നേരത്തെ പരാതി നല്കിയിട്ടും തീര്പ്പാകാതെയുള്ളവയും പുതിയ പരാതികളും സ്വീകരിക്കും.
സാന്ത്വന സ്പര്ശത്തിന്റെ പ്രധാന ചുമതല കളക്ടര്മാര്ക്കായിരിക്കും. അവരെ സഹായിക്കുന്നതിന് സെക്രട്ടറിമാരെയും ജില്ലകളിലേക്ക് നിയോഗിച്ചിട്ടുണ്ട്. മുഖ്യമന്ത്രിയുടെ പരാതിപരിഹാര സെല്ലില് ഇതുവരെ ലഭിച്ച 3,21,049 പരാതികളില് 2,72,441 എണ്ണം തീര്പ്പാക്കി. സിഎം പോര്ട്ടലില് 5,74,220 അപേക്ഷകളാണ് ലഭിച്ചത്. അതില് 34,778 എണ്ണമാണ് തീര്പ്പാക്കാനുള്ളതെന്നും മുഖ്യമന്ത്രി അറിയിച്ചു.
Discussion about this post