സ്വര്‍ണ വില വീണ്ടും കൂടി

കൊച്ചി : സ്വര്‍ണ വില വീണ്ടും കൂടി. ഇന്ന് പവന് 280 രൂപയാണ് കൂടിയത്. ഇതോടെ ഗ്രാമിന് 4305 രൂപ നിരക്കില്‍ ഒരു പവന്‍ സ്വര്‍ണത്തിന് 34,440 രൂപയായി.

കഴിഞ്ഞ ദിവസം സ്വര്‍ണത്തിന്റെ വില താഴ്ന്ന് 34,160 ല്‍ എത്തിയിരുന്നു. ഫെബ്രുവരി 1 ന് രേഖപ്പെടുത്തിയ 36,800 രൂപയായിരുന്നു ഈ മാസത്തെ ഏറ്റവും കൂടിയ വില. തുടര്‍ന്ന് ഫെബ്രുവരി 19 ആയപ്പോഴേയ്ക്കും ഈ മാസത്തെ ഏറ്റവും കുറഞ്ഞ വിലയായ 34,400 ല്‍ എത്തിയിരുന്നു.

കേന്ദ്ര ബജറ്റില്‍ സ്വര്‍ണത്തിന്റെ കസ്റ്റംസ് തീരുവ 12.5 ശതമാനത്തില്‍ നിന്നും 7.50 ശതമാനമായാണ് കുറച്ചത്. തുടര്‍ന്നാണ് സ്വര്‍ണവില കുറഞ്ഞത്. എന്നാല്‍ നിലവിലെ ആഗോള വിപണിയിലുള്ള വര്‍ദ്ധനവാണ് രാജ്യത്തും പ്രതിഫലിച്ചിരിക്കുന്നത്.