തിരുവനന്തപുരം: കോവിഡ് വ്യാപനം രൂക്ഷമായ സാഹചര്യത്തില് അതിര്ത്തിയിലെ ഇടറോഡുകള് അടച്ച് തമിഴ്നാട്. തിരുവനന്തപുരം-കന്യാകുമാരി അതിര്ത്തിയിലെ12ഓളം ഇട റോഡുകളാണ് തമിഴ്നാട് സര്ക്കാര് ബാരിക്കേഡ് വച്ച് അടച്ചത്.
കുളത്തൂര് പഞ്ചായത്തിലെ പൊഴിയൂര്, ഉച്ചക്കട, കാരക്കോണത്തിന് സമീപം കന്നുമാമൂട്, പനച്ചമൂട്, വെള്ളറട, അമ്പൂരി തുടങ്ങിയ ഇടങ്ങളിലെ റോഡുകളാണ് അടച്ചത്.
അതേസമയം, കേരളത്തില് നിന്നും തമിഴ്നാട്ടിലേക്ക് വരുന്നവര്ക്ക് ഇ പാസ് നിര്ബന്ധമാക്കി. കോവിഡ് ജാഗ്രതാ പോര്ട്ടലില് രജിസ്റ്റര് ചെയ്തുവേണം ഇ പാസ് വാങ്ങാന്.
കൂടാതെ അതിര്ത്തിയിലെത്തുന്നവരുടെ സാംപിള് പരിശോധനയ്ക്ക് വിധേയമാക്കും. പരിശോധന ഫലം ലഭിക്കുന്നവത് വരെ കാത്തുനില്ക്കേണ്ട. പരിശോധന ഫലം ഫോണിലേക്ക് അയച്ചു നല്കും.
Discussion about this post