ന്യൂഡല്ഹി : 2022-23 വര്ഷത്തില് പ്രധാനമന്ത്രി ആവാസ് യോജനയിലൂടെ യോഗ്യരായ ജനങ്ങള്ക്ക് വീടുകള് നിര്മ്മിച്ച് നല്കുമെന്ന് കേന്ദ്ര മന്ത്രി നിര്മല സീതാരാമന്. 80 ലക്ഷം ഭവനങ്ങളാണ് ജനങ്ങള്ക്ക് നിര്മ്മിച്ച് നല്കുക. ഇതിനായി 48,000 കോടി രൂപ ബജറ്റില് നീക്കിവെച്ചു. എല്ലാവര്ക്കും വീട് വൈദ്യുതി, ജലം എന്നതാണ് കേന്ദ്ര സര്ക്കാരിന്റെ ലക്ഷ്യമെന്ന് ബജറ്റ് അവതരണത്തില് ധനമന്ത്രി പറഞ്ഞു.
2022 ജനുവരി 18 വരെയുള്ള കണക്കനുസരിച്ച് 2.17 കോടി വീടുകള്ക്കാണ് പദ്ധതിയുടെ ഭാഗമായി നിര്മ്മാണ അനുമതി നല്കിയിട്ടുള്ളത്. 1.69 കോടി വീടുകളുടെ നിര്മാണം പൂര്ത്തിയായി. 2022 അവസാനത്തോടെ 2.63 കോടി വീടുകള് നിര്മ്മിക്കുക എന്നതാണ് സര്ക്കാരിന്റെ ലക്ഷ്യം.
2022-23 വര്ഷത്തില് പ്രധാനമന്ത്രി ആവാസ് യോജനക്ക് കീഴില് ഗ്രാമങ്ങളിലും നഗരങ്ങളിലുമായി 80 ലക്ഷം വീടുകളുടെ നിര്മാണം പൂര്ത്തിയാക്കുമെന്നാണ് ധനമന്ത്രി പറഞ്ഞത്. സാമ്പത്തിക സര്വേ അനുസരിച്ച് 2016-17, 2021-22 സാമ്പത്തിക വര്ഷങ്ങളിലാണ് പി.എം.എ.വൈ പദ്ധതി നടത്തിപ്പ് മെച്ചപ്പെട്ട നിലയില് പുരോഗമിച്ചത്.
പിഎം ഗതിശക്തി, എല്ലാവരേയും ഉള്ക്കൊള്ളിക്കുന്ന വികസനം, ആഭ്യന്തര ഉത്പാദനത്തിന്റെ വര്ദ്ധനവ്, നിക്ഷേപത്തിന് പ്രോത്സാഹനം എന്നീ നാല് മേഖലകളിലാണ് ഇത്തവണത്തെ ബജറ്റിലൂടെ കേന്ദ്ര സര്ക്കാര് കൂടുതല് ശ്രദ്ധ കേന്ദ്രീകരിക്കുന്നത്.
Discussion about this post