ന്യൂഡല്ഹി: വിസ്മയ കേസില് പ്രതി കിരണ് കുമാറിന് സുപ്രീം കോടതി ജാമ്യം അനുവദിച്ചു. കുറ്റപത്രം സമര്പ്പിച്ച കേസില് പ്രതി കസ്റ്റഡിയില് തുടരേണ്ട കാര്യമില്ലെന്ന വാദം അംഗീകരിച്ചാണ് കോടതി ജാമ്യം അനുവദിച്ചത്. ജസ്റ്റീസ് എസ്.കെ. കൗള്, ജസ്റ്റീസ് എം.എം സുന്ദരേഷ് എന്നിവരുടെ ബെഞ്ചിന്റേതാണ് ഉത്തരവ്.
ഇനി വിസ്മയ കേസില് വിചാരണ പൂര്ത്തിയായി ശിക്ഷ വിധിച്ചാല് മാത്രമേ വിസ്മയയുടെ ഭര്ത്താവായ കിരണിന് ജയിലില് പോകേണ്ടതുള്ളൂ. ഏഴ് ദിവസത്തെ ജാമ്യത്തിനായാണ് കിരണ് കുമാര് സുപ്രീം കോടതിയെ സമീപിച്ചത്.
കഴിഞ്ഞ വര്ഷം ജൂണ് 21നാണ് ശാസ്താംകോട്ട പോരുവഴിയിലെ ഭര്തൃ ഗൃഹത്തില് വിസ്മയയെ തൂങ്ങി മരിച്ച നിലയില് കണ്ടെത്തിയത്. കേസില് അറസ്റ്റിലായ കിരണ് കുമാര് ഇപ്പോഴും ജയിലിലാണ്. വിസ്മയയുടേത് സ്ത്രീധന പീഡനത്തെ തുടര്ന്നുള്ള ആത്മഹത്യയെന്നാണ് കുറ്റപത്രം പറയുന്നത്.
Discussion about this post